8 ҚАРАША, 2023
РЕСЕЙ
Александр Шевчук бауырлас түрмеден босап шықты
2023 жылдың 3 қарашасында Александр Шевчук бауырлас оған шығарылған үкім жазасын өтеп, түрмеден шықты. 2019 жылы оны 5 ай тергеу изоляторында ұстады, ал 2022 жылдың 25 тамызында ол айыпты деп табылып, түрмеге қамалды.
Түрмеге жабылмас бұрын, Александр бауырлас оған мұңаймауға не көмектесетінін айтып бөлісті. Ол былай деді: “Мен үшін маңыздысы — сотта жеңіп шығу емес, Ехобаға адал болып қалу. Сол себепті, сот қандай шешім шығаратынын ойлап, қатты уайымдамаймын. Менің мақсатым — мейлінше көп адамға куәлік беру. Осыны ойда ұстағаным, жағдайыма қуанышпен қарауға көмектеседі”.
Сондай-ақ Александр бауырлас Зәбүр 91:15-гі сөздер оған жұбаныш беретінін айтты. Онда Ехоба адал қызметшісіне былай дейді: “Ол мені шақырады, ал мен жауап қатамын. Қиын шақтарда қасынан табыламын. Мен оны құтқарып, мерейін асырамын”.
Александр отбасында сенімі үшін қуғынға кезіккен жалғыз Куәгер емес. 1951 жылы Сібірге айдалған 10 000-дай Ехоба куәгерінің арасында, оның арғы апасы мен арғы атасы болған. Оның ата-анасы да Сібірде туылған.
Бізге Александр бауырластың, оның отбасының және қудалауға қарамастан Ехобаға адал болып қалған барлық бауырластардың мысалдары жігер береді (Салоникалықтарға 1-хат 1:2, 3).