27 ЖЕЛТОҚСАН, 2023 | ЖАҢАРТЫЛДЫ: 6 НАУРЫЗ, 2024
РЕСЕЙ
СОҢҒЫ ЖАҢАЛЫҚТАР. БАУЫРЛАСТАРЫМЫЗ ҚАМАУҒА АЛЫНДЫ | Ұзақ уақыт қамауда және үйқамақта отырғандарына қарамастан олардың жігерлері жасымады
2024 жылдың 5 наурызында Иркутск қаласының Октябрьский аудандық соты Николай Мартынов, Сергей Костеев, Ярослав Калин, Михаил Мойш, Игорь Попов, Денис Саражаков, Алексей Солнечный, Андрей Толмачёв, Сергей Васильев бауырластарды айыпты деп тапты. Николай, Сергей Костеев, Ярослав, Михаил, Алексей және Андрей бауырластардың әрқайсысы жеті жылға бас бостандықтарынан айырылды. Игорь мен Денис бауырластардың әрқайсысы алты жыл төрт айға бас бостандықтарынан айырылды. Сергей Васильев үш жылға бас бостандығынан айырылып, бірден қамауға алынды. Ал басқалары тергеу изоляторына жабылып, қамауда қалатын болады.
Қысқаша мағлұмат
Біздің аяулы бауырластар отбасыларынан уақытша ажырағанмен, Құдайдың сүйіспеншілігінен оларды еш нәрсе айыра алмайтынына сенімдіміз. Өйткені олар Ехобаға адалдықтарын сақтап келеді (Римдіктерге 8:35—39).
Істің барысы
4 қазан, 2021
Иркутск облысындағы Ехоба куәгерлерінің үйлеріне тінту жасалды. Николай, Сергей Костеев, Ярослав, Михаил, Алексей, Андрей және Сергей Васильев бауырластардың үстінен қылмыстық іс қозғалды. Олардың жетеуі де қамауға алынды
5 қазан, 2021
Ярослав, Михаил және Алексей тергеу изоляторына ауыстырылды
6 қазан, 2021
Сергей Костеев, Николай және Андрей тергеу изоляторына ауыстырылды. Сергей Васильев уақытша ұстау изоляторынан босатылып, үй қамауына ауыстырылды
30 қараша, 2021
Басқа да куәгерлердің үйлері тінтілді. Денис пен Игорь тұтқынға алынып, 1500 шақырым қашықтықтағы Иркутске әкетілді
1 желтоқсан, 2021
Игорь тергеу изоляторына қамалды
2 желтоқсан, 2021
Денис тергеу изоляторына қамалды
29 желтоқсан, 2022
Сот ісі басталды
a Николай Мартынов, Ярослав Калин, Михаил Мойш, Игорь Попов, Денис Саражаков және Алексей Солнечный бауырластар тергеу изоляторында болғандықтан, олардан сұхбат алу мүмкін болмады.