2023 жылдың 21—29 қазан аралығында Белградта (Сербия) 66-шы Халықаралық Белград кітап жәрмеңкесі өтті. Оған 190 000-нан көп адам қатысты. Ехоба куәгерлері Құдай Сөзінің өмірдегі пайдасына бағытталған көрме стендін құрды. 100-ден астам бауырлас келушілерге Киелі кітаптан маңызды сұрақтардың жауабын қалай табуға болатынын көрсетіп берді.

Стендтің қасына орта жастағы бір әйел келіп, Киелі кітап жайлы сұрақтары өте көп екенін айтады. Ол сол сұрақтарына жауап алуға көмектесетін біреудің табылғанына қуанып кетеді. Олар тағы да кездесіп, әңгімені жалғастырамыз деп келіседі.

Бір жас жігіт “Тіршілік өздігінен пайда болды ма?” деген кітапшаны алады. Ол Құдайға сенгенмен, Киелі кітаптағы жаратылыс туралы айтылғандарды түсіну қиын екенін айтады. Мысалы, оны Құдай бәрін тура мағынадағы алты күннің ішінде жаратты ма деген сұрақ қызықтырған екен. Куәгерлер оған jw.org сайтынан дәл осы сұрақ талқыланған мақаланы көрсеткенде, жігіт таң-тамаша қалады.

Ал екі жасөспірім қыздың көзіне “Жастардың сауалдары. Пайдалы кеңестер” (ор.) кітабының 1 және 2-томы түседі. Онда шын достарды қалай табуға болады, сабақ үлгерімін қалай жақсартуға болады және махаббат пен ғашық болудың қандай айырмашылығы бар сияқты маңызды тақырыптар қозғалатынын білгенде, бұл оларға қатты ұнайды. Қыздардың бірі: “Мыналар керемет кітаптар екен. Біз міндетті түрде оқып шығамыз”,— дейді көзі жайнап.

Біз бауырластардың Белградтағы кітап жәрмеңкесіндегі ауыр еңбегін жоғары бағалаймыз. Оларға жан сала Ехобаның “есімін жариялауға” тырысып жатқандары үшін Құдайдың ақ батасын тілейміз (Еврейлерге 13:15).