2023 жылдың 17 қарашасында Филиппиннің оңтүстігінде магнитудасы 6,7 балды құраған су асты жерсілкінісі болды. Дүмпулер Минданао аралының оңтүстігінде 26 шақырымдай жерде орын алды. Давао ауданындағы, Хенераль-Сантос қаласы мен Сарангани провинциясындағы үкімет ғимараттарына, мектептер, сауда орталықтары мен көптеген тұрғын үйлерге зақым келді.

• Өкінішке қарай 1 әйел бауырлас көз жұмды

• 10 ер және әйел бауырлас жарақат алды. Олардың арасында аудандық бақылаушының әйелі де бар. Ол ауруханаға жатқызылды, қазір ахуалы тұрақты

• 4 үй қатты зақымдалды

• 4 үйге кішігірім зақым келді

• 2 Патшалық сарайына да кішкене зақым келді

• Зардап шеккендерге көмектесу үшін Төтенше жағдайлар комитеті құрылды

• Аудандық бақылаушылар мен ақсақалдар апаттан жапа шеккендерді жұбатып, қолдау көрсетуде

Біз жерсілкінісінен зардап шеккен бауырластарымыз үшін дұға етеміз, сондай-ақ оларды қамқорлап жатқан жандарға рақмет айтамыз. Біздер қиын, тұрақсыз заманда өмір сүріп жатсақ та, Жартасымыз Ехоба бәріне төзуге күш беретініне сенімдіміз (Самуилдің 1-жазбасы 2:2).