2024 жылдың 2 ақпанында Чилидің Вальпараисо аймағын екі бірдей орман өрті шарпыды. Оның үстіне, қатты жел мен жоғары температура өртті одан сайын өршітіп жіберді. Өрт халқы тығыз қоныстанған Винья-дель-Мар қаласындағы және оның айналасындағы 15 000-нан аса үйді жалмады. Бір есепке сай, өрт шамамен 40 000 адамға кесірін тигізіп, көбісін сусыз, жарықсыз қалдырды. Өртсөндірушілерге, парамедиктер мен жедел жәрдем қызметкерлеріне өрт жалмаған кейбір аймақтарға жету әлі де қиын болып жатыр. Жалпы алғанда, жүздеген адам жарақат алып, 130-дан аса адам қаза тапты.

• Өкінішке орай, 1 әйел бауырлас мерт болды

• 1 ер бауырлас қатты жарақаттанды

• 24 бауырлас кішігірім жарақат алды

• 715 бауырлас эвакуацияланды

• 72 үй қирады

• 2 үй қатты зақымданды

• 1 үй кішігірім зақымданды

• Бірде-бір Патшалық сарайы зақымданбады

• Шамамен 4700 бауырлас өрт жалмаған аймақта тұрады

• Көмек көрсету үшін Төтенше жағдайлар комитеті құрылды

• Бауырластарға қолдау көрсету үшін Чили филиалының өкілдері апат болған жерге келді. Аудандық бақылаушылар мен ақсақалдар да бауырластардың рухани және басқа да қажеттіліктерін қамдап жатыр.

Ехоба өрттен зардап шеккен қызметшілерінің “қайғысын да, қасіретін де” көріп отырғанына және жақында табиғи апаттар мен олардың салдарын біржола жоятынына сенімдіміз (Зәбүр 10:14).