2023 жылы 20 қазан мен 5 қараша аралығында Чилидің түрлі қалаларында 2023 жылғы Панамерикан ойындары өтті. Осы халықаралық, мультиспорттық іс-шараға 46 елден келген 6900-ден аса атлет қатысты. Сол аралықта Ехоба куәгерлері арнайы науқан ұйымдастырып, оған 1500-ге жуық Куәгер атсалысты. Көпшілік орындарда куәлік беру үшін ағылшын, португал және испан тіліндегі әдебиет арбалары қойылды. Бауырластарымыз атлеттермен және осы шараға келген қонақтармен жақсы әңгімелесті.

Мысалы, бір танымал атлет әдебиет арбасына жақындап келіп, бала кезінде анасымен қауым кездесулеріне барғанын, бірақ кейін спортқа беріліп кеткенін айтады. Ол көп ақша тапқанымен өзі күткендей бақыт пен қанағатқа қол жеткізбепті. Бауырластар оған Киелі кітап тармағын оқып бергенде, ол жұбаныш сыйлайтын сөздерге риза болып, бір марқайып қалады.

Әдебиет арбасына жақындап келген бір полиция қызметкері де кішкентай кезінде қауым кездесулеріне барған екен. Бауырластарды көріп, сол қуанышты кездері оның есіне түсіп кетеді. Бір ер бауырлас оған жақын жердегі қауымның мекен-жайын беріп, кездесулер қай уақытта өтетінін айтады. Содан полиция қызметкері Киелі кітап пен “Мәңгі бақи өмірдің рақатын көріңіз!” кітапшасын алып, куәгерлерді көргеніне қатты қуанғанын жасырмайды.

Әдебиет арбасына 19 жасар бір қыз келіп, жақында ғана Құдайдан Киелі кітапты түсінуге көмектесші деп сұрағанын айтады. Әйел бауырласымыз оған Киелі кітап зерттеу сабағын ұсынғанда, ол қуанып кетеді. Олар дәл сол күні зерттеу сабағын бастап, содан бері жүйелі түрде зерттеп жүр.

Осы арнайы науқанға қатысып, ерен еңбек еткен Чилидегі бауырластарға біз өте ризамыз. Олардың қызметтерінің арқасында Киелі кітаптағы хабарға қызығушылық танытқан адамдар табылды. Бұл — өзін іздейтіндерді Ехобаның жарылқайтынының дәлелі (Ишая 55:6).