Бұл өмірде өлмейтін адам жоқ. Сонда өліммен бәрі біте ме? Өлген адам мәңгіге ұмыт бола ма? Әлде қандай да бір үміт бар ма?

МАРҚҰМДАР ҰМЫТ БОЛМАЙДЫ

“Қабірдегілердің бәрі... шығады” (Жохан 5:28, 29).

Құдай өмірден өткен адамдарды ұмытпай, жадында сақтайды. Болашақта оларды өмірге қайтарады.

ЖЕР БЕТІНДЕ МАРҚҰМДАР ҚАЙТА ТІРІЛЕДІ

“Құдай әділдерді де, әділетсіздерді де қайта тірілтеді” (Елшілердің істері 24:15).

Болашақта дүниеден озған миллиардтаған адам қайта тіріліп, мәңгі өмір сүруге үмітті болады.

ҚАЙТА ТІРІЛУ — АҚТАЛАТЫН ҮМІТ

“[Құдай] жұлдыздарды санайды, Әрқайсысын атымен атайды” (Зәбүр 147:4).

Сан жетпес жұлдыздардың атын білетін Құдайға қайта тірілетін адамдарды жадында сақтау қиын емес.