Қызыл кітапқа енген жануарлар мен өсімдіктер сияқты, сый-құрмет те жойылып барады. Тіпті біреу құрмет таныта қалса, таңғалатын күйге жеттік.

Қазір адамдар бір-бірін, мысалы ата-аналарын, қарт кісілерді, полиция қызметкерлерін, ұстаздарын, бастықтарын құрметтемейді. Бірақ құрметсіздіктің көкесін әлеуметтік желілерде көріп жүрміз! Онда адамдар дөрекі пікірлерін қарша боратып, оңды-солды жаза береді. Бір беделді журналда айтылғандай, “құрметсіздіктің белең алғаны сонша — ел аузынан түспейтін тақырыпқа айналды” (“Harvard Business Review”).