Жауап іздеу

“Жайлы өмір сүру үшін жағдай жасап, үйімізге ауа желдеткіш орнатып, жоғарғы сапалы CD-ден әуен тыңдап, қысы-жазы жеміс-жидек жейтін дәрежеге жеттік, бірақ не үшін өмір сүріп жатқанымызды ойламайтын болдық. Көз тоймас дүние үшін неге сонша жанталасамыз? Мұның мәні бар ма?” — психология профессоры Давид Майерс (Hope College, Holland, Michigan, U.S.A).

ПРОФЕССОРДЫҢ осы сұрағына қалай жауап берер едіңіз? Кейбіреулер бұл ойлану үшін уақыт жұмсауға тұрмайтын сұрақ дер. Алайда оны елеусіз қалдыру аяқ киімге кіріп кеткен тасты елемеумен пара-пар: жүре алғанымен, адам өзін жайсыз сезінеді.

Бәлкім, өмірдің бұдан басқа мәні мен мақсаты бар ма деп ойлаған боларсыз. Бір қоғамдық мекеме (World Values Survey) адам құндылықтарын зерттеу нәтижесінде “өмірдің мән-мақсаты” жайлы ойланатын адамдардың саны көп елде жылдан-жылға өсіп жатқаны анықтаған.

Егер нағыз жан тыныштығын сезінгіңіз келсе, келесі сұрақтардың жауабын табу маңызды.

Өмір қалай пайда болды?

Өмірдің мәні мен мақсаты неде?

Болашағымыз қандай болмақ?

Осы маңызды сұрақтардың жауабын қайдан табуға болады? Келесі беттерде адамның түсінігіне немесе пәлсапасына емес, Құдай Сөзі Киелі кітапқа негізделген жауаптарды ұсынамыз. Сондықтан сізді Киелі кітабыңызды ашып, онда не жазылғанын өз көзіңізбен көруге шақырамыз.