Амос 2:1—16
2 Ехоба мынаны айтады:
—Моабтың+ үш, тіпті төрт бүлігі* үшін үкімімді өзгертпеймін,Өйткені ол Едом патшасының сүйегін өртеп, әк жасады.
2 Сол себептен Моабқа от жіберемін,
Ол Кериоттың+ бекініс мұнараларын жалмап қояды.
Моаб айқай-шудың ортасында,Атойлаған дауыс пен мүйіз керней үнінің арасында күйрейді+.
3 Оның арасындағы билеушісін құртамын,Онымен бірге күллі әміршісін өлтіремін+,— дейді Ехоба.
4 Ехоба мынаны айтады:
—Яһуданың+ үш, тіпті төрт бүлігі үшін үкімімді өзгертпеймін,Өйткені олар Ехобаның заңдарынан бас тартты,Оның ережелерін орындамады+.
Ата-бабаларын адастырған өтіріктер оларды да адастырды+.
5 Сол себептен Яһудаға от жіберемін,Ол Иерусалимнің бекініс мұнараларын жалмап қояды+.
6 Ехоба мынаны айтады:
—Исраилдің+ үш, тіпті төрт бүлігі үшін үкімімді өзгертпеймін,Өйткені олар әділ жанды күміске,Кедейді бір жұп сандалға сатады+.
7 Олар бейшараның басын жерге тығады+,Момынның жолына тосқауыл қояды+,Әкесі де, ұлы да бір әйелге барып,Киелі есімімді қорлайды.
8 Кепілдікке алған киімді+ әрбір құрбандық орнының+ жанында төсеп жатады,Біреуге төлеткен айыппұлға шарап алып, құдайларының үйінде ішеді.
9 Кезінде халқым үшін аморлықтарды құртқан мен едім+,Олар қарағайдай биік, емендей мықты болатын,Мен оның төбесіндегі жемісі мен түбіндегі тамырын жойғанмын+.
10 Аморлықтардың жеріне ие болсын деп,Сендерді Мысырдан алып шығып+,Қырық жыл бойы шөл далада ертіп жүрдім+.
11 Ұлдарыңның кейбірін пайғамбар+,Жас жігіттеріңнің кейбірін назир еттім+.
Солай емес пе, уа, Исраил халқы?— дейді Ехоба.
12 Алайда назирлерге шарап ішкізуді қоймадыңдар+,Пайғамбарларға “Пайғамбарлық етпе!” деп тыйым салдыңдар+.
13 Сондықтан астық артылған арба астындағысын жаншығандай,Сені де өз орныңда жаншимын.
14 Жүйрік қашатын жер таппай қалады+,Мықты өз күшінен айырылады,Жауынгер де жанын сақтай алмайды.
15 Садақшы тойтарыс бере алмайды,Желаяқ қашып құтылмайды,Салт атты жанын сақтап қала алмайды.
16 Ең батыл деген сарбаздардың өзіСол күні жалаңаш қаша жөнеледі+,— дейді Ехоба”.
Сілтемелер
^ Немесе “қылмысы”.
