Амос 6:1—14
6 “Сионда өз-өздеріне сенімді болып тұрып жатқандар,Самария тауында өздерін қауіпсіз сезінетіндер қасіретке қалады+!
Олар халықтың бетке тұтар беделді кісілері,Алдарына Исраил үйі келіп жүгінеді.
2 Қалнаға барып көріңдер,Сол жерден Ұлы Хаматқа+ барыңдар,Әрі қарай філістірлер жеріндегі Ғатқа түсіңдер.
Осы патшалықтар* олардан артық па екен?
Әлде жерлерің олардікінен кең бе екен?
3 Апат күнін ойларыңнан шығарып тастап+,Елдеріңді зорлық-зомбылықтың ордасы етпексіңдер ме+?
4 Олар піл сүйегінен жасалған төсекте+ созылып, сәкіде керіліп жатады+,Отардағы тоқтыларды, бордақыланған торпақтарды жейді+.
5 Арфа әуеніне әндер шығарып+,Дәуіт сияқты, ішекті аспаптар ойлап табады+.
6 Шарапқа толы тостағаннан сіміріп+,Ең таңдаулы майды үстеріне жағады.
Алайда Жүсіптің басына апат түсетінін+ қаперге де алмайды.
7 Сол себепті ең алдымен солар жер аударылып кетеді+.
Керіліп жатқандардың сауық-сайраны тоқтайды.
8 Мен, Әлемнің Әміршісі Ехоба, өзіммен ант еттім+,— дейді Әскербасы Ехоба Құдай,Жақыптың өркөкіректігінен жеркенемін+,Оның бекініс мұнараларын жек көремін+,Мына қала мен ондағының бәрін жау қолына беремін+.
9 Егер бір үйде он адам қалса, бәрі де өледі.
10 Олардың туысы келіп, үйден сүйектерін бір-бірден алып шығып, өртеп жібереді. Сосын үйдің ішкі бөлмесіндегі адамнан: “Қасыңда тағы біреу бар ма?”— деп сұрағанда, ол: “Жоқ!”— деп жауап қатады. Сонда оған: “Үндеме! Қазір Ехобаның есімін ауызға алатын уақыт емес”,— дейді.
11 Өйткені Ехоба бұйрық бергенде+,Дәу-дәу үйлер тас-талқан болады,Шағын үйлер үйіндіге айналады+.
12 Жылқы жартаста шапқылаушы ма еді?
Өгізбен сол жерді жыртушы ма еді?
Ал сендер әділеттілікті улы шөпке,Әділдіктің жемісін жусанға айналдырдыңдар+.
13 Түкке тұрғысыз нәрсеге қуанып,“Біз өз күшімізбен нығайып алдық* емес пе?!” дегенді айтасыңдар+.
14 Сол себепті, уа, Исраил, сендерге қарсы бір халықты әкелемін+,Ол Лебо-Хаматтан+ Араба өзен аңғарына* дейін сендерге қысым көрсетеді,— дейді Әскербасы Ехоба Құдай”.
Сілтемелер
^ Яһуда мен Исраил патшалығын айтып тұрса керек.
^ Сөзбе-сөз “өзіміз үшін мүйіздер алдық”.
^ Түсіндірмені қараңыз.
