Езекиел 15:1—8
-
Иерусалим — пайдасыз жүзім бұтасы (1—8)
15 Ехоба маған тағы да сөзін арнап былай деді:
2 “Адам ұлы, жүзім діңгегі мен оның сабақтарының ормандағы ағаштардан қандай айырмашылығы бар?
3 Оның діңі бірдеңе жасауға жарай ма? Одан, тым құрыса, қандай да бір зат ілетін шеге жасауға бола ма?
4 Ол отқа тасталып, екі шеті жанып, ортасы да күйіп кетеді. Бұдан кейін ол пайдаға аса ма?
5 Бүтін күйінде еш пайдаға аспағанда, өртеніп, күйіп кеткен соң оның қандай пайдасы болмақ?!
6 Әлемнің Әміршісі Ехоба мынаны айтады: —Орман ағаштарының ішінде жүзім бұтасын отын болсын деп бердім, Иерусалим тұрғындарын да солай етемін+.
7 Мен оларға қарсы шығамын. Оттан аман шықса да, оларды бәрібір от жалмайды. Осылай жазалаған кезімде, сендер менің Ехоба екенімді білетін боласыңдар+.
8 Жасаған опасыздықтары үшін+, мен бұл елді қаңыратып бос қалдырамын+. Мұны айтып отырған — Әлемнің Әміршісі Ехоба”.
