Еремияның зары 4:1—22
א [Алеф]
4 Жалтыраған алтынның, саф алтынның, көмескі тартқаны-ай+!
Қасиетті орынның тастары+ әр көшенің бұрышында жатқаны-ай+!
ב [Бет]
2 Ал саф алтындай бағаланған Сион ұлдарыныңҚұмырашының қолынан шыққан қыш ыдыстай болып қалғаны-ай!
ג [Гимел]
3 Тіпті шибөрі де күшігін емізеді ғой,Ал халқымның қызы шөлдегі түйеқұстай+ тасбауыр болып кеткен+.
ד [Далет]
4 Емшектегі бала сусап, тілі таңдайына жабысты.
Балалар жалынып нан сұрайды+, бірақ беріп жатқан ешкім жоқ+.
ה [Хе]
5 Тамақ таңдап жегендер енді көшелерде аштықтан бұралып жатыр+.
Қымбат ал қызыл киім киіп өскендер+ үйілген күлді құшақтап жатыр.
ו [Вав]
6 Халқымның қызының күнәсі үшін тартқан жазасы Содомдікінен де ауыр+.
Содом бір-ақ сәтте құрып, оған ешкім қол ұшын бермеген болатын+.
ז [Заин]
7 Сионда назир+ болғандар қардан таза, сүттен ақ еді.
Өңдері маржаннан да қызыл, жақұттай жылтыр еді.
ח [Хет]
8 Ал енді түрлері күйеден де қап-қара.
Көшеде ешкім оларды танымайды.
Терілері сүйектеріне жабысып+, қу ағаштай болып қалған.
ט [Тет]
9 Аштықтан гөрі семсердің жүзінен өлгендерге жақсы+,Олар әбден қалжырап, жеуге азық таппай қырылуда.
י [Йод]
10 Жанашыр әйелдер балаларын өз қолымен пісірді+.
Халқымның қызы күйрегенде, оларды қасірет азығына айналдырды+.
כ [Каф]
11 Ехоба қаһарын жаудырды.
Лаулаған ашу-ызасын төкті+.
Ол Сионға іргетасын жалмайтын от қойды+.
ל [Ламед]
12 Иерусалимнің қақпаларынан жау мен дұшпанның кіретінінеЖержүзінің ешбір патшасы да, тұрғыны да сенбеп еді+.
מ [Мем]
13 Бұл пайғамбарлардың күнәлары мен діни қызметкерлердің қылмыстарының кесірінен болды+,Олар қала ішінде әділ жандардың қанын төкті+.
נ [Нун]
14 Енді олар соқырлардай+ көшелерде сенделіп жүр.
Олар қанмен арамдалған+,Киімдеріне ешкім қол тигізе алмайды.
ס [Самех]
15 “Әрі кетіңдер! Арамдалғансыңдар!— деп жұрт оларға айғайлайды.— Кетіңдер! Әрі кетіңдер! Бізге қол тигізбеңдер!”
Өйткені олар үй-күйсіз, тентіреп жүр.
Жұрт өзара: “Олар арамызда тұра алмайды”,— деседі+.
פ [Пе]
16 Ехобаның өзі оларды бытыратып жіберді+.
Енді қайтып оларға оң көзбен қарамайды.
Жұрт діни қызметкерлерді сыйламайтын+, ақсақалдарға да ізет көрсетпейтін болады+.
ע [Аин]
17 Бекерге жәрдем күтіп, көзіміз талды+.
Құтқара алмайтын халықтан көмек іздеумен болдық+.
צ [Цади]
18 Жау әр қадамымызды аңдығандықтан+, көшеде жүре алмай қалдық.
Құритын кезіміз жақындап, күніміз бітті, ажалымыз таяп қалды.
ק [Коф]
19 Қуғыншыларымыз аспандағы бүркіттен жылдам болды+.
Тауда бізді өкшелей қуып, құла түзде де аңдып жатты.
ר [Реш]
20 Өміріміздің тынысы, Ехобаның майланғаны+, солардың қазған үлкен орына түсті+,Ал біз болсақ: “Оның саясында болып, басқа ұлттар арасында аман жүреміз”,— деп едік.
ש [Син]
21 Уа, Ұз елінде тұрып жатқан Едом қызы+, қуанып шаттан.
Бірақ Құдайдың қаһарына толы тостаған саған да беріледі+, сонда мас болып, жалаңаш тәніңді көрсетесің+.
ת [Тав]
22 Уа, Сион қызы, күнәң үшін алған жазаң бітті.
Құдай сені қайтып тұтқынға жібермейді+.
Бірақ, уа, Едом қызы, ол сенің зұлым ісіңе назар аударады,Күнәларыңды әшкере етеді+.
