Еремияның зары 5:1—22
5 Уа, Ехоба, басымызға не түскенін есіңе ала көр.
Қалай масқара болғанымызға назар сала көр+.
2 Мұралық жерімізді бөтендер, үйлерімізді жатжерліктер иемденді+.
3 Өзіміз әкесіз қалған жетімдей, аналарымыз жесірдей болды+.
4 Өз суымызды сатып ішуге+, өз отынымызды ақшаға алуға мәжбүрміз.
5 Қуғыншыларымыз қуып жетіп қалды,Шаршап-шалдықсақ та, бізге еш тыным жоқ+.
6 Нанға тою үшін Мысыр+ мен Ассирияға+ қол созып, үміт арттық.
7 Күнә жасаған ата-бабаларымыз дүниеден өткен, әйтсе де күнәларының зардабын біз шегудеміз.
8 Құлдар бізге билік етуде, олардың қолынан бізді құтқаратын ешкім жоқ.
9 Далада семсер ұстағандардың кесірінен өмірімізді қатерге тігіп, нан әкелеміз+.
10 Аштықтың азабынан теріміз пештей қызып кетті+.
11 Олар Сионда әйелдерді, Яһуда қалаларында қыздарды қорлады*+.
12 Әміршілерді қолынан асып қойды+, ақсақалдарға еш құрмет көрсетпеді+.
13 Жас жігіттер қолдиірмен көтеріп жүр, ал бозбалалар ауыр отын тасып, сүрініп-құлауда.
14 Ақсақалдар қала қақпаларының маңында отырмайтын+, жас жігіттер аспаптарында ойнамайтын болды+.
15 Жүрегімізден қуаныш кетті, биіміз қайғы-мұңға айналды+.
16 Басымыздан тәж құлады.
Күнәміздің кесірінен қасіретке қалдық!
17 Осылардан жүрегіміз ауырады+,Осылардың салдарынан көзіміз қарауытты+.
18 Өйткені Сион тауы қаңырап қалды+, онда түлкілер кезіп жүр.
19 Ал сен, уа, Ехоба, тағыңда мәңгі отырасың.
Тағың ұрпақтан ұрпаққа тұра береді+.
20 Неге бізді мәңгіге ұмыттың, бізді ұзаққа тастап кеттің+?
21 Уа, Ехоба, бізді өзіңе қайтаршы, қуана ораламыз+.
Бұрынғы күндерімізге қайтаршы+.
22 Бірақ сен бізден бас тарттың,Бізге әлі де қатты ашулысың+.
Сілтемелер
^ Немесе “зорлады”.
