Еремия 21:1—14
21 Ехоба Еремияға тағы да сөзін арнады. Себебі Седекия+ патша Еремияға Малхиях ұлы Пашхур+ мен діни қызметкер Мағасеях ұлы Софонияны+ жіберіп, былай деп сұратқан еді:
2 “Өтінемін, Ехобадан біз үшін сұрашы. Бабылдың патшасы Навуходоносор бізбен соғысып жатыр+. Бәлкім, Ехоба біз үшін керемет істерінің бірін жасап, патша кері шегініп кетер+”.
3 Еремия оларға былай деді: “Седекияға
4 Исраилдің Құдайы Ехоба мынаны айтады деңдер: —Қала сыртынан қоршауға алған Бабыл патшасы мен халдейлерге қолданып жатқан қолдағы қаруларыңды өздеріңе қарсы бұрамын+. Мен оларды қаланың ортасына жинаймын.
5 Сендерге қарсы ашу-ызамен, қаһармен, құдіретті* де қуатты қолмен+ өзім соғысамын+.
6 Бұл қалада мекендейтін адамды да, малды да құртамын. Олар қорқынышты індеттен қырылады+.
7 Сосын мен Яһуданың патшасы Седекияны, оның қызметшілерін және осы қаланың тұрғындарын — індеттен, семсердің жүзінен, аштықтан аман қалғандардың бәрін Бабыл патшасы Навуходоносордың, олардың жанын алғысы келген жауларының қолына беремін+. Патша оларды семсердің жүзімен өлтіреді. Ол аяушылық, жанашырлық танытпайды, рақым да етпейді+,— дейді Ехоба.
8 Ал мына халыққа сен Ехоба мынаны айтады де: —Міне, мен сендерге өмір жолы мен өлім жолын ұсынып отырмын.
9 Осы қалада қалғандар семсерден, аштықтан, індеттен өледі. Ал сыртқа шығып, қоршауға алған халдейлердің қолына берілгендер аман қалып, өз жаны өзіне олжа болады+.
10 Мен бұл қаладан бас тарттым, оған жақсылық емес, апат жіберемін+. Оны Бабыл патшасының қолына беремін+, ол қаланы отқа орайды+,— дейді Ехоба.
11 Яһуда патшасының үй ішіне мынаны айт: —Ехобаның сөзін тыңдаңдар.
12 Уа, Дәуіттің үйі, Ехоба былай дейді:
“Күнде таңертең әділетті үкім шығарыңдар,Жәбірленушіні тонаушының қолынан құтқарыңдар+,Әйтпесе жасаған зұлым істерің үшін+
Қаһарым оттай лаулайды+,Ешкім оны сөндіре алмайды”.
13 Мен саған қарсы шығамын, уа, аңғардың тұрғыны,Уа, жазықтағы жартаста орналасқан қала,— дейді Ехоба.
Ал сендер: “Бізге қарсы шығатын кім?
Біздің мекенімізді кім жаулап алмақ?”— дейсіңдер,
14 Онда біліп қойыңдар, жасаған істеріңе қарай+,Сендерді жауапқа тартамын,— дейді Ехоба.
Қала маңындағы орманға от қоямын.
От айналасындағыны түгел жалмап қояды+”.
Сілтемелер
^ Сөзбе-сөз “созылған”.
