Еремия 47:1—7
-
Філістірлер туралы пайғамбарлық (1—7)
47 Перғауын Газаны әлі күйретпей тұрғанда, Ехоба Еремия пайғамбарға філістірлерге+ қатысты сөзін арнады.
2 Ехоба былай дейді:
“Міне, солтүстіктен тасқын су көтеріліп келеді.
Ол топан суға айналып,Ел мен сондағының бәрін,Қала мен тұрғындарын басып қалады.
Адамдар айқай салып,Елде тұратындардың бәрі зар еңірейтін болады.
3 Айғырлардың тұяқ дүбірін,Соғыс арбаларының дүрсілін,Дөңгелектерінің шуылын естігенде,Үрейі ұшқан әкелер балаларын құтқармай,Алды-артына қарамай қаша жөнеледі.
4 Філістірлер+ түгелімен жойылатын күн келеді,Сол күні Тир+ мен Сидонда+ қалған одақтастарының бәрі құриды.
Өйткені Ехоба філістірлерді,Қаптор*+ аралынан аман қалғандарды, құртады.
5 Газа таз* болады.
Ашкелон үнсіз қалады+.
Уа, аңғарда қалған олардың тамтығы,Қашанғы денелеріңді тілгілейсіңдер+?
6 Ей, Ехобаның семсері+!
Қашан тыным табасың?
Қынабыңа қайта орал,Дамыл тауып, тыныштал.
7 Ол қалай тыным тапсын,Ехоба бұйырды ғой.
Ашкелон мен теңіз жағалауына қарсы+
Ол оны бағыттады ғой”.