Еремия 6:1—30
6 Пана іздеңдер, уа, Бениямин ұрпағы,Иерусалимнен қашыңдар!
Текояда+ мүйіз керней тартыңдар+.
Бет-Кәремнің үстінен от жағып белгі беріңдер!
Өйткені солтүстіктен апат, жойқын алапат төніп тұр+.
2 Сион қызы сұлу нәзік әйелге ұқсайды+.
3 Отарларын айдап бағушылар келіп,Оның айналасына шатырларын тігеді+.
Әрқайсысы өз отарын сол жерге жаяды+.
4 “Онымен соғысуға өздеріңді дайындаңдар*!
Тұрыңдар, тал түсте оған шабуыл жасайық!”
“Қасіретке қалдық, күн батуға айналды,Кеш түсіп, көлеңкелер ұзарып барады!”
5 “Тұрыңдар, түн ішінде шабуыл жасап,Оның бекініс мұнараларын қиратайық+”.
6 Әскербасы Ехоба былай дейді:
“Ағаштарды шауып, Иерусалимді қоршауға алатын үйінді жасаңдар+.
Бұл қала жауапқа тартылуға тиіс,Оның іші қанаушылыққа толы+.
7 Су қоймасы салқын судың көзі болғанындай,Бұл қала да зұлымдықтың көзіне айналды.
Онда зорлық-зомбылық пен қирағанның шуы естіледі+,Ауру-сырқау мен індет әрдайым көз алдымда.
8 Ескертуге құлақ ас, уа, Иерусалим, әйтпесе сенен жиіркеніп, бас тартамын+.
Сені қаңыратып, ешкім тұрмайтын жерге айналдырамын+”.
9 Әскербасы Ехоба былай дейді:
“Олар жүзімдіктен масақ тергендей, Исраилдің қалдығын да түгел теріп алады.
Бұтада қалған жүзімді жинау үшін, қолыңды қайта соз”.
10 “Кімге айтып, кімді ескертейін?Кім маған құлақ асады?
Міне, олардың құлақтары жабық*,Ден қойып тыңдай алмайды+.
Олар Ехобаның сөзін мазақ етеді+.
Оны жандары жаратпайды.
11 Сондықтан бойымды Ехобаның қаһары кернейді,Оны тежеп тұра алар емеспін+”.
“Оны көшедегі балаларға төк+,Жиналған жас жігіттерге төк.
Олардың бәрі — күйеуі мен әйелі де,Егде кісі мен үлкен қария да тұтқынға алынады+.
12 Ал үйлері, танаптары мен әйелдері басқаларға қалады+.
Өйткені бұл елдің тұрғындарын қолымды созып жазалаймын”,— дейді Ехоба.
13 “Үлкенінен кішісіне дейін — бәрі арам пайда көздейді+.
Пайғамбарынан діни қызметкерлеріне дейін — түгел арамзалық жасайды+.
14 Олар халқымның жарақатын жеңіл-желпі емдемек болып:
—Тыныштық! Бейбітшілік!— дейді,Бірақ ешқандай тыныштық жоқ+.
15 Олар жеркенішті істеріне ұяла ма?
Жоқ, еш ұялмайды!
Тіпті ұялудың не екенін білмейді+!
Сондықтан олар құлағандармен бірге құлайды.
Жазаға тартқанымда, олар сүрінеді”,— дейді Ехоба.
16 Ехоба былай дейді:
“Жол тораптарында тұрып, қараңдар.
Ежелгі жолдар жайлы сұрастырыңдар,Ізгі жолды сұрап біліп, сонымен жүріңдер+.
Сонда жандарың жай табады”.
Бірақ олар: “Онымен жүрмейміз”,— дейді+.
17 “Мен күзетшілер тағайындадым+, олар:
—Мүйіз кернейдің даусына құлақ салыңдар!— деп жар салды+”.
Бірақ олар: “Құлақ салмаймыз”,— деді+.
18 “Сондықтан, уа, халықтар, тыңдаңдар!
Уа, жамағат, біліп алыңдарОлармен не болатынын.
19 Тыңдаңдар, уа, жер бетіндегі халықтар!
Ойластырған қулық-сұмдықтарының сазайы ретіндеМына халықтың басына апат төндіремін+.
Олар сөздеріме ден қоймады,Менің заңдарымнан бас тартты”.
20 “Шебадан хош иісті ладан,Алыс елден хош иісті қамыс әкелгендеріңді қайтейін?
Түгел өртелетін құрбандықтарыңды қабыл алмаймын,Әкелген құрбандықтарыңа разы болмаймын+”.
21 Сондықтан Ехоба былай дейді:
“Мен мына халықтың жолына сүрінетін тастар қоямын,Сол кедергілерге әкелері мен ұлдары,Көрші-қолаң мен дос-жарандары сүрініп,Бәрі де мерт болады+”.
22 Ехоба былай дейді:
“Міне, солтүстіктегі елден бір халық келе жатыр,Жердің қиыр шеттерінен бір ұлы халық көтеріледі+.
23 Олар қолдарына садақ пен сүңгі ұстап алады,Олар қатыгез әрі аяушылықты білмейді.
Дауыстары долы теңіздей гүрілдейді,Олар атқа мініп келеді+.
О, Сион қызы, олар саған қарсы әскери саппен аттанады”.
24 Құлағымызға олар жайлы хабар жетті.
Сонда қолымыздан әл кетті+,Қатты шошып, құтымыз қашты,Толғатқан әйелдей қиналдық+.
25 Ашық далаға шықпаңдар,Жол бойында жүрмеңдер,Өйткені жау семсермен жүр,Айнала жайлаған қорқыныш.
26 Уа, халқымның қызы,Азалы киім киіп+, күлге ауна.
Жалғыз ұлын жоқтаған адамдай зар иле+,Себебі кенеттен бізге қырып-жоюшы келеді+.
27 “Мен сені* кен тазартушы іспетті етіп қойдым,Халқымды менің жақсылап сынап, тазарт.
Олардың жолына көңіл бұрып, тексер.
28 Барлығы шектен шыққан қыңыр+,Жүрген жерінде жала жапқыш+.
Олар мыс пен темірге ұқсайды,Шетінен бәрі бұзылған.
29 Көріктер күйіп кетті.
Оттан тек қорғасын шығады,Кен тазартушы босқа әуре болуда+,Жаман қоспалары бөлініп шығып жатқан жоқ+.
30 Жұрт оларды жарамсыз күміс дейтін болады,Өйткені Ехоба жарамсыз деп олардан бас тартқан+”.
Сілтемелер
^ Немесе “қасиетті етіңдер”. Түсіндірмедегі “Қасиетті” сөзін қараңыз.
^ Сөзбе-сөз “сүндеттелмеген”.
^ Яғни Еремия.