Ешуа 15:1—63
15 Яһуда руының әулеттеріне жеребе бойынша+ Едомның+, яки Зин шөлінің, шегарасы мен Негевтің оңтүстік шегарасына дейінгі жер тиді.
2 Оңтүстік шегарасы Тұзды теңіздің жағалауынан+, яғни оңтүстік шығанағынан басталып
3 оңтүстікке бойлай түсетін де, Акраб асуынан+ өтіп, Зинге беттейтін, одан Қадеш-Барниға+ өрлеп, Хесроннан өтетін де, Адарға көтеріліп, Каркаға бұрылатын.
4 Сосын Азмоннан+ өтіп, Мысыр өзен аңғарына*+ қарай созылып, теңізге* келіп тірелетін. Бұл олардың оңтүстік шегарасы еді.
5 Шығыс шегарасы Тұзды теңізден* Иордан өзенінің сағасына дейін созылатын. Ал солтүстік шегарасы теңіз шығанағынан, яғни Иордан сағасынан+ басталып
6 Бет-Хоглаға+ көтерілетін де, Бет-Арабаның+ солтүстігінен өтетін. Сосын Рубен ұлы Боханның тасына+ қарай өрлейтін.
7 Әрі қарай Ахор аңғарындағы+ Дебирге көтеріліп, солтүстікке, яғни аңғардың оңтүстігіндегі Адумим қырының алдында жатқан Ғылғалға+ қарай бұрылатын. Ол жерден Ен-Шемеш+ суларына қарай созылып, Ен-Рогелге+ келіп тірелетін.
8 Бұдан кейін Бен-Хенном аңғарына+, ебустіктердің+ оңтүстік жотасына, яғни Иерусалимге+ қарай өрлеп, Рефаимдер аңғарының солтүстік шетінде орналасқан әрі Бен-Хенном аңғарының батысына қарап тұрған тау басына қарай көтерілетін.
9 Ал тау басынан Нефтоғақ бұлағына+ қарай, одан Ефрон тауындағы қалаларға қарай созылатын. Ол жерден Бағалахқа, яғни Кирият-Еғаримге+ қарай беттейтін.
10 Бағалахтан батысқа, Сейір тауына бұрылып, Жағар тауының солтүстік жотасына, яғни Кесалонға қарай өтіп, Бет-Шамишке+ түсетін де, Тимнаны+ кесіп өтетін.
11 Сосын Екронның+ солтүстік жотасына келетін де, Шикеронға қарай созылатын, әрі қарай Бағалах тауынан өтіп, Ябнехелге дейін жеткен соң, теңізге барып тірелетін.
12 Батыстағы шегарасы болса Ұлы теңіздің* жағалауымен созылып жататын+. Яһуда әулеттерінің шегаралары осы еді.
13 Ешуа Епунех ұлы Халепке+ Ехобаның бұйрығы бойынша, Яһуда ұрпақтарының арасынан үлес ретінде Кирият-Арбаны (Арба Енактың әкесі болған), яки Хебронды+ берді.
14 Халеп ол жерден Енактың+ үш ұлын — Шешай, Ахиман және Талмай деген енактарды қуып шықты+.
15 Содан кейін ол Дебирге+ (Дебир бұрын Кирият-Сефер деп аталатын) көтеріліп, оның тұрғындарымен соғыспақ болды.
16 Халеп: “Кімде-кім Кирият-Сеферді басып алса, мен оған қызым Ахсаны әйелдікке беремін”,— деді.
17 Сонда Халептің інісі Кеназдың ұлы+ Отниел+ қаланы басып алды. Халеп болса оған қызын+ берді.
18 Ахса қайын жұртына кетіп бара жатқанда, күйеуін қайын атасы Халептен танап сұрауға көндірді. Ахса есегінен түскенде*, әкесі одан: “Не қалайсың?”— деп сұрады+.
19 Ол: “Батаңызды бере көріңіз. Сіз маған оңтүстіктен жер* берген едіңіз, енді Ғылот-Маимді* де берсеңіз екен”,— деді. Әкесі оған Жоғарғы Ғылот пен Төменгі Ғылотты берді.
20 Яһуда руының әулеттерінің мұралы иелігі төмендегідей.
21 Едом+ шегарасының маңынан яһуда руына тиген үлестің оңтүстік шетінде мынадай қалалар болатын: Кәбсел, Едер, Яғұр,
22 Кина, Димона, Адада,
23 Кедеш, Хасор, Етнан,
24 Зиф, Телем, Беғалот,
25 Хасор-Хадата, Кериот-Хесрон, яғни Хасор,
26 Амам, Шема, Моладах+,
27 Хасар-Ғадда, Хешмон, Бет-Пәлет+,
28 Хасар-Шуал, Бер-Шеба+, Бизиотея,
29 Бағалах, Яим, Езем,
30 Елтолад, Кесил, Хорма+,
31 Секелаг+, Мадманах, Сансана,
32 Лебағот, Шілкім, Айын, Римон+ — бас-аяғы 29 қала және елді мекендер.
33 Шефелада+ келесі қалалар: Ештағол, Сора+, Ашна,
34 Заноах, Ен-Ганним, Тапуах, Енам,
35 Ярмұт, Адоллам+, Соқот, Әзек+,
36 Шағарим+, Адитаим, Гедера және Гедеротаим* — бас-аяғы 14 қала және елді мекендер;
37 Сенан, Қадаша, Мигдал-Ғад,
38 Дилан, Миспа, Ектехел,
39 Лахиш+, Босқат, Еглон,
40 Кабон, Лакмас, Китлиш,
41 Гедерот, Бет-Дагон, Нағама мен Макед+ — бас-аяғы 16 қала және елді мекендер;
42 Либна+, Етер, Ашан+,
43 Ифта, Ашна, Несиб,
44 Кеил, Ақзип және Марешах — бас-аяғы тоғыз қала және елді мекендер;
45 Екрон мен оның қарамағындағы қалашықтар мен елді мекендер;
46 Екроннан батысқа қарай Азот аймағындағы барлық жерлер мен елді мекендер;
47 Азот+ пен оның қарамағындағы қалашықтар мен елді мекендер; Газа+ мен оның қарамағындағы қалашықтар мен елді мекендерді қоса алғанда, Мысыр өзен аңғары мен Ұлы теңіздің жағалауына дейінгі аймақ+.
48 Таулы өңірде келесі қалалар: Шамир, Ятир+, Соқот,
49 Данна, Кирият-Сана, яғни Дебир,
50 Анаб, Ештемох+, Аним,
51 Гөшен+, Холон, Ғилон+ — бас-аяғы 11 қала және елді мекендер;
52 Арабия, Дума, Ешан,
53 Янум, Бет-Тапуах, Әфека,
54 Хумта, Кирият-Арба, яғни Хеброн+ және Сиор — бас-аяғы тоғыз қала және елді мекендер;
55 Мағон+, Кармил, Зиф+, Ютта,
56 Езрехел, Егдеғам, Заноах,
57 Каин, Гибея және Тимна+ — бас-аяғы 10 қала және елді мекендер;
58 Халхұл, Бет-Сұр, Гедор,
59 Мағарат, Бет-Анот және Елтекон — бас-аяғы алты қала және елді мекендер;
60 Кирият-Бағал, яғни Кирият-Еғарим+ және Рабба — бас-аяғы екі қала және елді мекендер.
61 Шөл далада келесі қалалар: Бет-Араба+, Миддин, Секаха,
62 Нибшан, Тұзды қала және Ен-Геди+ — бас-аяғы алты қала және елді мекендер.
63 Иерусалимде тұратын ебустіктерді+ яһудалықтар қуып жібере алмады+. Ебустіктер әлі күнге дейін яһудалықтармен Иерусалимде тұрып жатыр.
Сілтемелер
^ Түсіндірмені қараңыз.
^ Яғни Жерорта теңізіне.
^ Яғни Өлі теңізден.
^ Яғни Жерорта теңізінің.
^ Мүмкін: “есегінде отырып шапалақ қаққанда”.
^ Немесе “Негевті”.
^ Мағынасы “су айдыны”.
^ Мүмкін: “Гедера мен қой қоралары”.
