Ешуа 16:1—10
16 Жеребе+ бойынша Жүсіптің+ ұрпақтарына тиген жер Иерихонның тұсынан Иорданды қуалай отырып, Иерихон суларының шығысына қарай созылатын да, Иерихонға қарсы жатқан шөл дала арқылы Бетелдің+ таулы өңіріне өтетін.
2 Әрі қарай Лұзға жататын Бетелден Атароттағы архиліктердің шегарасына дейін созылатын.
3 Одан батысқа қарай яфлеттіктердің шегарасымен ылдилап, Төменгі Бет-Хоронның+ шегарасы мен Гезерге+ дейін ұласатын да, теңізге келіп тірелетін.
4 Осылайша Жүсіптің ұрпағы+ Манаса мен Ефрем осы жерлерді иеленді+.
5 Ефремнің ұрпағына әулеттеріне қарай тиген мұралы иеліктің шегарасы мынау: шығыс шегарасы Атарот-Адардан+ Жоғарғы Бет-Хоронға+ өтіп,
6 теңізге шығатын. Шегараның солтүстігінде Михметат+ жатты, сосын ол шығысқа қарай Тағанат-Шилоға бұрылып, шығыс жаққа, Янұхқа беттейтін.
7 Янұхтан Атарот пен Нағараға ылдилап, Иерихонға+ дейін жететін де, Иорданға шығатын.
8 Ал Тапуахтан+ батыстағы Кана өзен аңғарына қарай өтіп, теңізге+ тірелетін. Бұл — Ефрем руының әулеттеріне қарай мұралы иелікке алған жері.
9 Сондай-ақ манаса руының мұралы иелігінде де Ефрем ұрпақтарына тиесілі қалалар болды+. Осы қалалар мен елді мекендердің бәрі солардың мұралы иелігіне кіретін.
10 Бірақ ефремдіктер Гезерде тұратын қанахандықтарды қуып жібермеді+. Олар әлі күнге дейін араларында басыбайлы қызметшілер+ ретінде өмір сүріп жатыр+.
