Ешуа 17:1—18
17 Жүсіптің тұңғышы+ Манасадан+ тараған ру үшін, атап айтқанда Манасаның тұңғышы, Ғалақаттың әкесі Махир+ үшін, жеребе+ тасталды. Ол майталман жауынгер болатын. Оның үлесіне Ғалақат пен Башан тиді+.
2 Сосын Манасаның ұрпақтарының келесі әулеттері үшін жеребе тасталды: Әбиезер+, Хелек, Әсрейіл, Сихем, Хефер және Шемида. Бұлар Жүсіп ұлы Манасадан тараған ұлдардың әулеттері+.
3 Манаса ұлы Махир, Махир ұлы Ғалақат, Ғалақат ұлы Хефердің баласы Салопахадтың+ ұлдары болмады. Одан Махла, Ноға, Хогла, Мылқа және Тирса деген қыздар туды.
4 Олар діни қызметкер Елазарға+, Нұн ұлы Ешуа мен басшыларға келіп: “Ехоба Мұсаға бауырларымыздың арасынан бізге мұралы иелік беруді бұйырған еді”+,— деді. Сөйтіп, Ехобаның бұйрығына сай, әкелерінің еркек кіндікті туысқандары қатарлы оларға да мұралы иелік берілді+.
5 Манасаның үлесіне Ғалақат пен Башаннан басқа Иорданның арғы бетінен 10 телім жер берілді+.
6 Себебі манаса руының қыздары да бауырлары сияқты мұралы иелік алды. Ал Манасаның қалған ұрпағына Ғалақат жері тиді.
7 Манасаның шегарасы Аширден Сихемге+ қарсы жатқан Михметатқа+ дейін созылады да, Ен-Тапуах тұрғындарының жеріне қарай оңтүстікке бұрылады.
8 Тапуах жері+ манаса руының үлесіне жататын, бірақ шегарадағы Тапуах қаласы Ефремнің ұрпақтарының үлесінде еді.
9 Сосын шегара оңтүстікке, яғни бойында Манаса жеріндегі Ефремге тиесілі қалалар+ орналасқан Кана өзен аңғарына түсетін де, өзен аңғарының солтүстігін бойлай, теңізге келіп тірелетін+.
10 Оңтүстік жақтағы жер Ефремге, солтүстік жақтағысы Манасаға тиесілі болатын, ал шегаралары теңізбен шектесетін+. Манаса жерінің солтүстігі Ашир, ал шығысы Исахар жерімен шегаралас еді.
11 Исахар мен Ашир жерінде келесі қалалар тұрғындарымен және қарамағындағы қалашықтарымен Манасаға берілді: Бет-Шеған, Иблеғам+, Дор+ және Ендор+, Танақ+ пен Мегиддо, үш қырат.
12 Манаса ұрпақтары бұл қалаларды иелене алмады, сөйтіп, қанахандықтар сол жерде өмір сүре берді+.
13 Исраилдіктер күшейіп алған соң, қанахандықтарды өздеріне басыбайлы қызметші етті+, бірақ оларды жерлерінен түгелдей қуып жібермеді+.
14 Жүсіптің ұрпақтары Ешуаға келіп: “Ехоба жарылқап отырғандықтан, біз үлкен халық болдық емес пе+? Онда неге бізге бір-ақ үлес+ пен бір-ақ телім жер бердің?”— деді.
15 Ешуа былай жауап берді: “Үлкен халық болып, Ефремнің таулы өңірі+ сендерге тарлық етіп жатса, перездіктер+ мен рефаимдердің+ жеріндегі орманға көтеріліңдер де, ағаштарын шауып, сол жерді тазартып, өздеріңе алыңдар”.
16 Бұған олар: “Таулы өңір бізге тарлық қылады, ал аңғарда — Бет-Шеған+ мен қарамағындағы қалашықтарда, Езрехел аңғарында+ — мекендейтін барлық қанахандықтардың орақты соғыс арбалары бар+”,— деді.
17 Сонда Ешуа Жүсіптің ұрпақтары Ефрем мен Манасаға мынаны айтты: “Сендер үлкен әрі өте мықты халықсыңдар. Үлестерің бір-ақ телім жермен шектелмеуі керек+.
18 Сендер таулы өңірді де түгелімен иемденесіңдер+. Бұл орманды жер болғанмен, ағаштарын шауып тазартып аласыңдар. Үлестеріңнің қиыр шегарасы осы болады. Ал қанахандықтарды мықты әрі орақты соғыс арбалары бар болғанына қарамай, қуып жіберіңдер+”.
