Ешуа 21:1—45
21 Леуіліктердің әулетбасылары діни қызметкер Елазарға+, Нұн ұлы Ешуаға және Исраил руларының әулетбасыларына келіп,
2 Қанахандағы Шилода+ оларға мынаны айтты: “Ехоба Мұса арқылы бізге тұратын қалалар мен малымызға жайылым болатын жер берілсін деп бұйырған еді”+.
3 Содан исраилдіктер Ехоба бұйырғандай, өздерінің мұралы иеліктерінен леуіліктерге жайылымдары бар қалалар берді+.
4 Алдымен жеребе Қахат+ әулеттеріне түсіп, леуі руынан шыққан діни қызметкер Харонның ұрпақтарына жеребе бойынша яһуда, шимон+ және бениямин+ руларынан 13 қала тиді+.
5 Қахаттың қалған ұрпақтарына жеребе бойынша ефрем руының+ әулеттерінен, дан руынан және манаса руының жартысынан 10 қала тиді+.
6 Гершон ұрпақтарына+ исахар руының әулеттерінен, ашир мен нафталим руларынан және манасаның Башандағы жарты руынан жеребе бойынша 13 қала тиді+.
7 Мерари ұрпақтарының+ әулеттеріне рубен, ғад және забулон руларынан 12 қала тиді+.
8 Осылайша исраилдіктер Ехобаның Мұса арқылы берген бұйрығына сай, жеребе бойынша леуіліктерге жайылымдары бар осы қалаларды берді+.
9 Яһуда мен шимон руларынан аты аталған келесі қалалар беріліп+,
10 оларды леуі руының Қахат әулетінен шыққан Харон ұлдары алды, себебі бірінші жеребе соларға түскен еді.
11 Оларға Яһуданың таулы өңіріндегі Кирият-Арба+ (Арба Енактың әкесі болған), яғни Хеброн+ және айналасындағы жайылымдары берілді.
12 Ал қаланың айналасындағы танап пен елді мекендер Епунех ұлы Халепке тиді+.
13 Діни қызметкер Харонның ұлдарына мына жерлер берілді: кісі өлтірген адам бассауғалайтын қала+, яғни Хеброн+ және оның жайылымдары, Либна+ мен жайылымдары,
14 Ятир+ мен жайылымдары, Ештемоға+ мен жайылымдары,
15 Холон+ мен жайылымдары, Дебир+ мен жайылымдары,
16 Айын+ мен жайылымдары, Ютта+ мен жайылымдары, Бет-Шамиш пен жайылымдары — сол екі рудан тоғыз қала берілді.
17 Бениямин руынан Гибеон+ мен жайылымдары, Геба мен жайылымдары+,
18 Анатот+ пен жайылымдары, Алмон мен жайылымдары — төрт қала берілді.
19 Бас-аяғы Харон ұрпақтарына 13 қала мен олардың жайылымдары тиді+.
20 Қахат ұрпақтарының әулеттеріне жататын қалған леуіліктерге жеребе бойынша ефрем руының қалалары тиді.
21 Оларға кісі өлтірген адам бассауғалайтын қала+, яғни Ефрем таулы өңіріндегі Сихем+ және оның жайылымдары, Гезер+ мен жайылымдары,
22 Кибсаим мен жайылымдары, Бет-Хорон+ мен жайылымдары — барлығы төрт қала берілді.
23 Дан руынан Елтеке мен жайылымдары, Гибетон мен жайылымдары,
24 Аялон+ мен жайылымдары, Ғат-Риммон мен жайылымдары — барлығы төрт қала берілді.
25 Манасаның жарты руынан Танақ+ пен жайылымдары, Ғат-Риммон мен жайылымдары — екі қала берілді.
26 Бас-аяғы Қахат ұрпақтарының қалған әулеттеріне 10 қала мен олардың жайылымдары тиді.
27 Леуілік әулеттерден шыққан Гершонның ұрпақтарына+ манаса руының жартысынан кісі өлтірген адам бассауғалайтын Башандағы Ғолан+ қаласы мен жайылымдары және Бегештера мен жайылымдары — екі қала берілді.
28 Исахар руынан+ Кишион мен жайылымдары, Дабырат+ пен жайылымдары,
29 Ярмұт пен жайылымдары, Ен-Ганним мен жайылымдары — барлығы төрт қала берілді.
30 Ашир руынан+ Мишал мен жайылымдары, Абдон мен жайылымдары,
31 Хелкат+ пен жайылымдары, Рехоб+ пен жайылымдары — барлығы төрт қала берілді.
32 Нафталим руынан Ғалилеядағы Кедеш+, яғни кісі өлтірген адам бассауғалайтын қала+ және оның жайылымдары, Хаммот-Дор мен жайылымдары, Картан мен жайылымдары — барлығы үш қала берілді.
33 Бас-аяғы Гершон ұрпақтарына әулеттері бойынша 13 қала мен олардың жайылымдары тиді.
34 Мерари әулеттеріне+, қалған леуіліктерге, забулон руынан+ Екнеғам+ қаласы мен жайылымдары, Картах пен жайылымдары,
35 Димна мен жайылымдары, Нахалал+ мен жайылымдары — барлығы төрт қала берілді.
36 Рубен руынан Бесер+ мен жайылымдары, Яхас пен жайылымдары+,
37 Кедемот пен жайылымдары, Мефағат пен жайылымдары — барлығы төрт қала берілді.
38 Ғад руынан+ Ғалақаттағы Рамот+, яғни кісі өлтірген адам бассауғалайтын қала және оның жайылымдары, Маханаим+ мен жайылымдары,
39 Хешбон+ мен жайылымдары, Жазер+ мен жайылымдары — барлығы төрт қала берілді.
40 Мерари ұрпақтарының әулеттеріне, қалған леуілік әулеттерге, бас-аяғы 12 қала тиді.
41 Сонымен леуіліктерге исраилдіктердің иелігінен бас-аяғы 48 қала мен олардың жайылымдары берілді+.
42 Бұл қалалардың бәрінің айналасында жайылымдары болды.
43 Ехоба ата-бабаларына беруді уәде еткен күллі жерді Исраилге берді де+, олар сол жерді иемденіп, қоныс тепті+.
44 Ехоба ата-бабаларына ант еткендей, оларға айнала тыныштық сыйлады+. Жауларының ешқайсысы оларға қарсы тұра алмады+. Барлық жауларын Ехоба аяқтарына жығып берді+.
45 Исраил үйіне берген Ехобаның ізгі уәделерінің бірде-бірі орындалмай қалған жоқ — бәрі де орындалды+.
