Зәбүр 11:1—7
Ән-күй жетекшісіне. Дәуіттің жыры.
11 Мен Ехобаны паналаймын+.
Ендеше, былай деуге қалай дәтің барады:
“Кәне, құстай ұшып тауыңа қаш!
2 Қарашы, зұлым жан садағын иіп, жебесін тартуда,Ақжүрек адамды қараңғы жерден дайын тұр атуға.
3 Әділеттіліктің іргесі қираса,Әділ адамның қолынан не келеді?”
4 Ехоба киелі ғибадатханасында+,Ехобаның тағы көкте+.
Оның көзі бәрін көреді, қырағы көзімен адам баласын тексереді+.
5 Ехоба әділді де, зұлымды да тексереді+,Жауыздықты сүйетіндерді ол жек көреді+.
6 Ол зұлымдарға көптеген тұзақ құрады*,Олардың үлесі отқа, күкірт+ пен аңызақ желге толы тостаған болады.
7 Себебі Ехоба әділ+; ол әділ әрекетті сүйеді+,Турашыл адам оның жүзін көреді+.
Сілтемелер
^ Мүмкін: “қызып тұрған шоқ жаудырады”.
