Зәбүр 139:1—24
Ән-күй жетекшісіне. Дәуіттің жыры.
139 Уа, Ехоба, сен мені мұқият тексердің, мені жақсы білесің+.
2 Отырғаным да, тұрғаным да өзіңе аян+.
Ойларымды да алыстан ұғасың+.
3 Сапарға шыққанымды да, тыныққанымды да бақылайсың,Саған жолдарымның бәрі белгілі+.
4 Аузымнан сөз шықпай жатып-ақ,Уа, Ехоба, сен оны білесің+.
5 Мені алды-артымнан қоршайсың,Үстіме қолыңды қоясың.
6 Мені қаншалықты жақсы білетініңе қайранмын,Мұны түсінуге ақылым жетпейді+.
7 Сенің рухыңнан қайда қашып құтылмақпын?
Жүзіңнен қайда барып жасырынбақпын+?
8 Көкке көтерілсем, сен сонда болар ең,Төсегімді көрге* салсам да, сен сол жерден табылар ең+.
9 Қиыр шалғайдағы теңізге барып тұру үшін,Таң шапағының қанатына мініп ұшып кетсем де,
10 Сенің қолың мені бастап алып жүрер еді,Оң қолың сүйемелдер еді+.
11 “Мені қараңғылық жасырады” десем,Түн жарыққа айналар еді.
12 Қараңғылық та сен үшін тым қараңғы болмас еді,Сен үшін түннің өзі күндіздей жап-жарық+,Түнекте де бәрі ап-айқын көрінер еді+.
13 Өйткені сен менің бүйрегімді жараттың,Ана құрсағында мені қалқаладың*+.
14 Мен өзіңді мадақтаймын,Себебі таңғаларлықтай керемет жаратылғанмын+.
Сенің істерің неткен ғажап+!
Мұны мен жақсы білемін.
15 Құпия жерде жаратылғанымда,Ана құрсағының түкпірінде тоқылғанымда,Сүйектерім сенен жасырын болмады+.
16 Тіпті ұрық күйімді көздерің көрді,Оның бірде-бір бөлігі әлі пайда болмай тұрып,Қалыптасатын күндері сенің кітабыңда жазылып қойылған еді.
17 Сенің ойларың маған сондай қымбат+!
Уа, Құдай, олардың саны неткен көп+!
18 Ойларыңды санайтын болсам,Олар құм қиыршықтарынан да көп болар еді+.
Таңертең оянғанымда, әлі де өзіңмен біргемін*+.
19 Уа, Құдай, зұлымды сұлатып салсаң ғой+!
Сонда қанішерлер менен аулақ кетер еді.
20 Олар арам пиғылмен сені жамандайды,Есіміңді теріс қолданады; олар сенің жауларың+.
21 Уа, Ехоба, сен жек көретіндерді мен де жек көремін емес пе+?
Саған қарсы шыққандар мен үшін де жеркенішті емес пе+?
22 Мен оларды сондай жек көремін+,Олар менің қас жауыма айналды.
23 Уа, Құдай, терең үңіліп, жүрегімде не бар екенін көрші+.
Мені тексеріп, мазалайтын ойларымды білші+.
24 Көңілімде қауіпті жолға апаратын ойлар жоқ па, соны көрші+,Мені мәңгілік жолымен жетелеші+.
Сілтемелер
^ Еврейше “шеол”. Түсіндірмені қараңыз.
^ Мүмкін: “тоқып қалыптастырдың”.
^ Мүмкін: “әлі де санауды жалғастыра берер едім”.
