Зәбүр 50:1—23
Асаптың+ жыры.
50 Құдайлардың Құдайы* Ехоба+ тіл қатты,Ол күншығыстан батысқа дейін күллі жерді шақырады.
2 Көркі мінсіз Сионнан+ Құдай жарқырайды.
3 Құдайымыз келеді, әрі үнсіз қалмайды+,Оның алдында жалындаған от лаулайды+,Айналасын сұрапыл дауыл қоршайды+.
4 Ол өз халқын соттау үшін+,Көк пен жерді былай деп шақырады+:
5 “Адал қызметшілерімді,Құрбандық арқылы менімен келісім жасасқандарды+, маған жинаңдар!”
6 Көк оның әділдігін жариялайды,Өйткені Құдай — Соттаушы+. (Села)
7 “Ей, халқым, тыңда, саған айтар сөзім бар!
Исраил, мен саған қарсы куәлік етемін+!
Мен Құдаймын, сенің Құдайыңмын+.
8 Сені құрбандықтарың үшін де,Үнемі ұсынатын түгел өртелетін құрбандықтарың үшін де айыптамаймын+.
9 Маған үйіңдегі бұқаң да,Қораңдағы текең де қажет емес+.
10 Өйткені ормандағы аңдардың бәрі де,Тіпті барлық таулардағы жыртқыш аңдар да менікі+.
11 Мен тау-төбелердегі әрбір құсты білемін+,Даладағы сансыз хайуандар да менікі.
12 Ашықсам, мұны саған айтпас та едім,Өйткені құнарлы жер мен ондағының бәрі менікі+.
13 Мен бұқаның етін жеп,Текенің қанын ішуші ме едім+?!
14 Құрбандық ретінде Құдайға алғысыңды ұсын+,Алла Тағалаға берген серттеріңді орындаусыз қалдырма+.
15 Қиын-қыстау кезеңде мені шақыр+,Мен сені құтқарамын, сонда мені мадақтайсың+”.
16 Ал зұлымға Құдай мынаны айтады:
“Менің жарлықтарымды тілге тиек етуге+,Келісімім туралы айтуға қандай қақың бар+?
17 Өйткені сен тәрбиені жек көресің,Сөздерімді де ешқашан менсінбейсің*+.
18 Ұрыны көрсең, оны қоштайсың*+;Неке адалдығын бұзушылармен де араласуды қоймайсың.
19 Аузыңнан тек жамандық шығады,Тіліңнен өтірік сөз арылмайды+.
20 Отырып алып, бауырыңа қарсы сөйлейсің+,Бір анадан туған бауырыңның кемшіліктерін жұртқа жаясың.
21 Осының бәрін істегеніңде, мен үндемедім,Сонда мені өзің сияқты болады деп ойладың.
Бірақ енді мен сені айыптаймын да, саған қарсы дәлелдер келтіремін+.
22 Ей, Құдайды ұмытқандар+,Сендерді ешкім құтқара алмайтындай паршалап тастамауым үшін,Осыған ден қойыңдаршы.
23 Кім құрбандық ретінде алғыс ұсынса, сол мені мадақтайды+.
Кім тура жолда берік тұрса, мен соны құтқарамын+”.
Сілтемелер
^ Яғни басқа құдайлардан жоғары тұрған Құдай.
^ Сөзбе-сөз “артыңа лақтырып жібересің”.
^ Мүмкін: “оған ортақтасасың”.
