Зәбүр 54:1—7
-
Дұшпандар арасында жүргенде көмек сұрап дұға ету
-
“Құдай — менің көмекшім” (4)
-
Ән-күй жетекшісіне. Ішекті аспаптың сүйемелдеуімен орындалуға арналған. Маскил*. Дәуіттің жыры. Зиф тұрғындары Саулға келіп: “Дәуіт біздің арамызда жасырынып жүр”,— дегендегі оқиғаға қатысты жазылған+.
54 Уа, Құдайым, есімің арқылы мені құтқара көр+,Құдіретіңмен мені қорғай көр+.
2 Уа, Құдайым, дұғама құлақ асшы+;Аузымнан шыққан сөздеріме назар аударшы.
3 Өйткені бөтен адамдар маған қарсы шықты,Қатыгез адамдар жанымды алмақшы+.
Олар Құдайды елең де қылмайды+. (Села)
4 Міне, Құдай — менің көмекшім+;Ехоба мені қолдайтындардың жағында.
5 Ол дұшпандарыма зұлымдықтарының қарымтасын қайтарады+;Құдайым, адалдығыңа сай олардың көзін құртшы+.
6 Мен саған даярлықпен құрбандық шаламын+.
Есіміңді мадақтаймын, уа, Ехоба, өйткені бұл игі+.
7 Құдай мені бар пәледен құтқарады+;Мен жауларымның жеңілгенін өз көзіммен көремін+.
Сілтемелер
^ Түсіндірмені қараңыз.
