Зәбүр 63:1—11
Дәуіттің жыры. Яһуда шөлінде жүрген кезіне қатысты жазылған+.
63 Уа, Құдай, сен менің Құдайымсың, өзіңді іздеуден талмаймын+.
Жаным өзіңді күтіп, шөліркейді+.
Қураған, қуаң, сусыз елде мен өзіңді аңсап, әбден әлсіредім+.
2 Киелі орныңда өзіңе қарап тұрдым,Құдіретің мен ұлылығыңды көрдім+.
3 Сенің айнымас сүйіспеншілігің өмірден артық+,Сондықтан аузыммен өзіңді мадақтаймын+.
4 Өмір бойы сені дәріптеп өтемін,Атыңды шақырып, қол жайып сиынамын.
5 Майлы тамақ жеп тойынған кісідей қанағаттанамын,Сол үшін өзіңе шаттық үнімен мадақ айтамын+.
6 Төсегімде жатып сені еске аламын,Түн ортасында* өзің жайлы ойланамын+.
7 Сен менің көмекшімсің+,Қанатыңның саясында қуана ән саламын+.
8 Мен сенен еш айырылмаймын,Сен мені оң қолыңмен мықтап ұстайсың+.
9 Ал менің көзімді құртпақ болғандарЖеті қабат жер астына түсіп жоғалар.
10 Олар семсерден қырылады,Шибөрілерге* жем болады.
11 Патша болса Құдайына қуанады.
Оның атымен ант ететіндердің бәрі шаттанады,Өйткені өтірік айтатындардың аузы жабылады.
