Зәбүр 96:1—13
96 Ехобаға жаңа ән шырқаңдар+!
Жержүзі, Ехобаға ән шырқаңдар+!
2 Атын мадақтап, Ехобаға ән шырқаңдар,Құтқаратыны жайлы ізгі хабарды жариялап,Күн сайын оған ән шырқаңдар+.
3 Ұлттар арасында ұлылығын,Күллі халықтар арасында керемет істерін жариялаңдар+.
4 Ехоба ұлы, әрі мадаққа әбден лайық,Күллі құдай атаулыдан әлдеқайда айбынды.
5 Өзге халықтар табынатын құдайлардың бәрі де түкке тұрғысыз+,Ал Ехоба — көкті жаратқан Құдай+.
6 Ұлылық пен салтанат оның алдында+,Күш пен әсемдік киелі тұрағында+.
7 Ру атаулы, Ехобаға тиістісін беріңдер,Салтанаты мен құдіреті үшін, Ехобаға тиістісін беріңдер+!
8 Ехобаны есіміне лайық дәріптеңдер+!
Оның аулаларына сый-тартумен кіріңдер.
9 Киелі сән-салтанатпен* Ехобаға бас иіңдер,Жержүзі, оның алдында қалтырап-дірілдеңдер!
10 Ұлттар арасында: “Ехоба Патша болды+!
Жер берік орнатылған, ол еш мызғымайды.
Құдай халықтарды әділ соттайды+”,— деп жариялаңдар.
11 Лайым көк шаттансын, жер де қуансын,Лайым теңіз бен ондағының бәрі шуласын+.
12 Дала мен ондағылардың бәрі шаттансын+,Ормандағы ағаштар да қуана айғайласын+.
13 Бұның бәрі Ехобаның алдында жасалсын,Өйткені ол келе жатыр,Иә, жерді соттауға келе жатыр.
Ол жер тұрғындарын әділ соттайды+,Адамдарға адалдықпен үкім айтады+.
Сілтемелер
^ Мүмкін: “Киелілігі салтанатты болғаны үшін”.
