Зәкәрия 10:1—12
10 Ехобадан көктемгі жауынды өз мезгілінде беруін сұраңдар.
Қалың бұлттарды жинайтын,Адамдар үшін жаңбыр жауғызатын+,Бәріне жер өнімін беретін — Ехоба ғой.
2 Пұттар* өтірік* айтады,Сәуегейлер жалған аян көреді.
Олар мәнсіз түстер жайлы айтып,Бос жұбаныш беріп жүр.
Сондықтан жұрт қой сияқты адасатын болады,Бағушысы болмай, қиналады.
3 Бағушыларға менің ашуым келеді,Қатыгез басшыларды* жауапқа тартамын.
Өйткені Әскербасы Ехоба өз отарына+,Яһуда үйіне, назарын салып,Оны шайқаста айбатты тұлпардай етеді.
4 Яһуда үйінен басшы*,Тіреніш болатын билеуші*,Мықты жауынгер* шығады,Бақылаушылар шығады, иә, бәрі содан шығады.
5 Олар мықты сарбаздардай болады,Шайқаста көше балшығын таптайды.
Ехоба жар болып+, олар шайқасқа шығады,Сонда жаудың салт аттылары ұятқа қалады+.
6 Мен Яһуда үйін үстем етемін,Жүсіптің үйін құтқарамын+.
Оларға рақым етіп+, қалпына келтіремін.
Сонда олар мен өздерінен ешқашан бас тартпағандай болады+.
Өйткені мен Құдайлары Ехобамын, оларға жауап қатамын.
7 Ефремдіктер мықты жауынгердей болады,Шарап ішкендей жүректері қуанышқа толады+.
Мұны ұлдары да көріп қуанады.
Ехобаға жүректері шаттанады+.
8 “Мен ысқырып, оларды жинап аламын.
Оларды құн төлеп азат етемін+, сонда үбірлі-шүбірлі болып,Көбейген үстіне көбейе береді.
9 Мен оларды халықтар арасына тұқымдай шашсам да,Шалғай жерлерде мені естеріне алады.
Олар бала-шағасымен қоса қайта жанданып, елге оралады.
10 Мен оларды Мысыр елінен қайтарамын,Ассириядан+ жинап аламын.
Оларды Ғалақат+ пен Ливан өлкесіне әкелемін.
Тіпті сол жерде де оларға орын жетпей қалады+.
11 Оларға бөгет болған теңізден буырқандырып өте шығып,Оның толқындарын тыныштандырамын+.
Нілдің терең суларын құрғатамын.
Сонда Ассирияның көтерген кеудесі басылып,Мысыр асатаяғынан айырылады+.
12 Мен, Ехоба, оларды үстем етемін+.
Олар менің есіміммен жүретін болады+”,— дейді Ехоба.
Сілтемелер
^ Сөзбе-сөз “терафим”, яғни отбасы тәңірлері.
^ Немесе “сиқырлық; жұмбақ жайттар”.
^ Сөзбе-сөз “текелерді”.
^ Сөзбе-сөз “бұрыштық мұнара”. Бұл бейнелі сөз беделді, маңызды адамға нұсқайды.
^ Сөзбе-сөз “қазық”. Бұл бейнелі сөз сүйеніш болатын адамға нұсқайды.
^ Сөзбе-сөз “шайқас садағы”.