Ишая 47:1—15
47 Бабылдың пәк қызы,Төмен түсіп, топыраққа отыр+!
Халдей қызы,Тағыңнан түсіп, тақыр жерге отыр+!
Бұдан былай ешкім сені нәзік, ерке демейді.
2 Қолыңа диірмен алып, ұн тарт.
Басыңдағы орамалды шешіп таста.
Белдемшеңді де сыпырып алып,Балтырыңды көрсетіп өзендерді кешіп өт.
3 Сенің тәнің жалаңаштанып, әбүйірің ашылады.
Мен кек аламын+, әрі жолымда ешкім тұрмайды*.
4 “Біздің Құнымызды өтеп алушы — Исраилдің Киелі Құдайы.
Оның есімі — Әскербасы Ехоба+”.
5 Ей, халдей қызы, үніңді шығармай қараңғы жерде отыр+!
Бұдан былай сен патшалықтарды билеп-төстейтін патшайым деп аталмайсың+.
6 Мен халқыма қаһарланып+,Өзімнің меншікті иелігімді арамдап+,Сенің қолыңа табыстаған едім+.
Бірақ сен оларға мейірімділік танытпадың+.
Тіпті қарттарына да ауыр жүк артып қойдың+.
7 “Мен мәңгі бақи патшайым болып қала беремін”,— дедің+.
Істеріңнің байыбына бармадың,Ақыры немен бітерін ойламадың.
8 Ей, ләззатқұмар+, енді сөзімді тыңда!
Сен қауіпсіздікте отырып: “Менен ұлы ешкім жоқ+.
Мен ешқашан жесір қалмаймын,Балаларымнан да айырылмаймын”,— дейсің+.
9 Бірақ осы екі жайт та кенеттен, бір күнде, басыңа түседі+:
Сен балаларыңнан айырыласың әрі жесір қаласың.
Көптеген сиқырлықтар мен күшті дуалар жасағаның үшін*+,Бұлардың зардабын толығымен тартасың+.
10 Сен зұлымдығыңа сеніп:
“Мені ешкім көрмейді”,— дедің.
Сені теріс жолға түсірген — даналығың мен білімің.
Іштей: “Менен ұлы ешкім жоқ”,— дейсің.
11 Бірақ басыңа пәле түседі.
Бұған ешбір сиқырлығың тосқауыл болмайды.
Сен бақытсыздыққа ұшырайсың, одан құтылып кете алмайсың.
Аяқастынан бұрын-соңды көріп-білмеген апатқа ұшырайсың+.
12 Ендеше, жастайыңнан сонша күш салғанДуаларың мен түрлі сиқырлықтарыңды әрі қарай жасай бер+.
Бәлкім, бір пайдасы тиер.
Жұрттың бойында үрей туғызар.
13 Сен кеңесшілеріңнің көптігінен әбден қажыдың.
Енді көкке табынатын*, жұлдыздарға үңіле қарайтын+,Жаңа ай туғанда, басыңа не түсетінін айтып беретін сол кеңесшілеріңОрындарынан тұрып, сені құтқарып алсын.
14 Бірақ олар сабанға ұқсайды,Оларды от жалмайды.
Өздерін от жалынынан құтқара алмайды.
Бұл — жылу беретін шоқ емес,Алдында отыратын от та емес.
15 Жастайыңнан бірге тер төккенСиқыршыларың да сен үшін осындай болады.
Олар лағып, әрқайсысы өз жайына кетеді.
Сені құтқаратын ешкім қалмайды+.
Сілтемелер
^ Мүмкін: “Мен ешкімді жылы қарсы алмаймын”.
^ Мүмкін: “жасағаныңа қарамастан”.
^ Мүмкін: “әуе кеңістігін бөлетіндер; жұлдызжорамалшылар”.
