Лұқа 7:1—50
7 Тыңдап тұрған халыққа сөзін айтып болған соң, Иса Қапарнаумға кірді.
2 Бір жүзбасының жақсы көретін құлы ауырып, хал үстінде жатқан еді+.
3 Жүзбасы Иса туралы естігенде, яһудилердің кейбір ақсақалдарын жіберіп, құлын сауықтыру үшін келуін өтінді.
4 Олар Исаға келіп, былай деп жалына бастады: “Жүзбасы — жәрдем беруіңізге тұратын кісі.
5 Ол халқымызды жақсы көреді, бізге тіпті мәжілісхана салып берді”.
6 Иса олармен бірге жүрді. Бірақ ол үйге жақындап қалғанда, жүзбасы достарын жіберіп, мынаны айтқызды: “Мырза, келіп әуре болмаңыз, сізді үйіме кіргізуге лайықсызбын+.
7 Сондықтан да сізге өзім барған жоқ едім. Тек бірауыз сөз айтсаңыз болғаны, қызметшім сауығып кетеді.
8 Өйткені мен де біреуге бағынышты адаммын және өзімнің де қол астымда сарбаздарым бар. Олардың біреуіне “Бар!” десем, барады, басқасына “Кел!” десем, келеді. Ал құлыма “Мынаны істе!” десем, соны істейді”.
9 Мұны естігенде, Иса таңғалып, өзіне еріп келе жатқандарға бұрылып: “Сендерге мынаны айтамын: тіпті Исраилде ешкімнен мұндай зор сенім көрген емеспін”,— деді+.
10 Жіберілген кісілер үйге қайтып келгенде, құлдың сауығып кеткенін көрді+.
11 Көп ұзамай Иса Наин атты қалаға барды. Оған шәкірттері және көп халық еріп жүрді.
12 Иса қала қақпасына жақындағанда, жұрт біреудің мәйітін жерлеуге алып келе жатыр екен. Ол бір жесір әйелдің жалғыз ұлы еді+. Жесірге қаладан көп халық ілесіп шығып келе жатты.
13 Иеміз Иса әйелді көргенде, оны аяп кетіп+: “Жыламаңыз”,— деді де+,
14 жақындап келіп, зембілге қолын тигізді. Зембілді көтергендер тоқтағанда, ол: “Балам, саған айтамын, түрегел!”— деді+.
15 Сонда өлген жігіт түрегеліп отырды да, сөйлей бастады. Иса оны анасына табыс етті+.
16 Жұрттың бәрін үрей биледі. Олар: “Арамыздан ұлы пайғамбар шықты+! Құдай өз халқына назарын салды!”— деп, Құдайды мадақтай бастады+.
17 Исаның не істегені туралы хабар бүкіл Яһудея мен төңіректегі барлық аймаққа тарап кетті.
18 Жақияның шәкірттері оған болған жайттың бәрін хабарлады+.
19 Ол шәкірттерінің екеуін шақырып алып, Иемізге жіберіп, былай деп сұратты: “Келеді деген Кісі сіз бе+, әлде басқа біреуді күтуіміз керек пе?”
20 Олар Исаға келіп: “Бізді шомылдыру рәсімін жасаушы Жақия: —Келеді деген Кісі сіз бе, әлде басқа біреуді күтуіміз керек пе?— деп сұрауға жіберді”,— деді.
21 Сол кезде Иса көп халықты ауру-сырқауынан+, қатты дертінен айықтырып, жындарды қуып шығарып, көптеген зағиптардың көздерін ашты.
22 Сондықтан Иса оларға былай деп жауап берді: “Барыңдар да, көргендерің мен естігендерің туралы Жақияға айтып беріңдер: зағиптар көріп+, ақсақтар жүріп, алапестер тазарып, саңыраулар естіп+, өлгендер қайта тіріліп, кедей-кепшіктерге ізгі хабар жарияланып жатыр+.
23 Маған күмәнданбайтын* адам бақытты+!”
24 Жақияның шәкірттері кеткен соң, Иса ол туралы жұртқа былай деді: “Сендер шөл далаға не көруге бардыңдар? Жел тербеткен қамысты ма+?
25 Айтыңдаршы, не көруге бардыңдар? Қымбат киім киген кісіні ме+? Жылтыраған киім киіп, молшылықта өмір сүретіндер патша сарайларында тұрады ғой.
26 Шынында да, ол жерге не үшін бардыңдар? Пайғамбарды көруге ме? Иә, сендерге мынаны айтамын: ол пайғамбардан әлдеқайда жоғары+.
27 Келесі сөздер сол туралы жазылған: “Міне, мен сенің алдыңда хабаршымды жіберемін. Ол саған жол дайындайды”+.
28 Сендерге мынаны айтамын: адам атаулының ішінде Жақиядан ұлы ешкім болған емес. Бірақ Құдай Патшалығындағы кіші деген адам одан ұлы+.
29 (Мұны естіген бүкіл халық және салықшылар Құдайдың әділ екенін мойындады, өйткені олар Жақия уағыздаған шомылдыру рәсімінен өткен еді+.
30 Ал парызшылдар мен Мұса Заңын жетік білетіндер болса Құдайдың өздеріне қатысты еркін елемеді+, себебі сол шомылдыру рәсімінен өтпеген болатын.)
31 Бұл ұрпақтың адамдарын кімге теңесем екен? Олар кімге ұқсайды+?
32 Олар базар алаңдарында отырған балаларға ұқсайды. Балалар бір-біріне дауыстап: —Біз сыбызғы тарттық, ал сендер билемедіңдер. Біз жоқтау айттық, бірақ сендер зар еңіреп жыламадыңдар,— дейді.
33 Сол сияқты, шомылдыру рәсімін жасаушы Жақия нан жеп, шарап ішпеді+. Бірақ сендер: —Бойында жын бар,— дедіңдер.
34 Ал Адам Ұлы өзгелердей ішіп-жейді. Алайда сендер: —Мынау тамақ жеп, шарап ішуді жақсы көреді, өзі салықшылар мен күнәкарлардың досы екен,— дейсіңдер+.
35 Даналық істерімен дәлелденеді*+”.
36 Бірде Шимон есімді парызшыл Исаны қояр да қоймай тамаққа шақырды. Иса оның үйіне келіп, дастарқан басына жантайды.
37 Сол кезде қалада күнәкар ретінде танымал бір әйел оның парызшылдың үйінде дастарқан басына жантайғанын естіді. Ол иісмай құйылған тас құтысын* алып, сол жерге келді+.
38 Исаның аяқ жағына барып, жылап, көз жасын оның аяғына төгіп, шашымен сүрте бастады. Сосын аяқтарын жаймен сүйіп, иісмай жақты.
39 Исаны қонаққа шақырған парызшыл мұны көргенде, ішінен: “Егер ол шынымен пайғамбар болса, өзіне кімнің және қандай әйелдің қол тигізіп жатқанын білер еді. Ол — күнәкар әйел ғой”,— деді+.
40 Оның ойын білген Иса: “Шимон, саған айтар сөзім бар”,— деді. Ал ол: “Ұстаз, айта беріңіз”,— деп жауап қайырды.
41 Сонда Иса мынаны айтты: “Қарыз беруші бір адамның екі кісіде ақшасы болыпты. Олардың біреуі 500, ал екіншісі 50 динар* қарыз екен.
42 Олардың қарызын қайтаратын ештеңелері болмаған соң, әлгі кісі екеуінің де қарызын кеңпейілмен кешіреді. Айтшы, солардың қайсысы оны көбірек жақсы көреді?”
43 Шимон: “Көбірек қарызы кешірілген кісі деп ойлаймын”,— дегенде, Иса: “Дұрыс айтасың”,— деді.
44 Сосын әйелге бұрылып, Шимонға былай деді: “Мына әйелді көріп тұрсың ба? Мен үйіңе кіргенде, сен аяғымды жуатын су бермедің. Ал ол аяғымды көз жасымен жуып, шашымен сүртті.
45 Сен мені сүйіп қарсы алмадың, ол болса мен келгеннен бері аяғымды тоқтамастан сүйіп отыр.
46 Сен менің басыма май жақпадың, ал бұл әйел аяғыма иісмай жақты.
47 Сондықтан саған айтамын, оның күнәсі қанша көп* болса да, кешірілді+. Сол үшін ол көбірек жақсы көреді. Ал кімге аз кешірілсе, сол аз жақсы көреді”.
48 Бұдан кейін әйелге: “Күнәларың кешірілді”+,— деді.
49 Сонда Исамен бірге дастарқан басында жантайып жатқандар өзара: “Күнәларды да кешіретін бұл кім өзі?”— десті+.
50 Ал Иса әйелге: “Сенімің арқылы құтқарылдың+. Амандықпен қайта бер”,— деді.
Сілтемелер
^ Сөзбе-сөз “сүрінбейтін”.
^ Немесе “ақталады”.
^ Немесе “алебастр”. Түсіндірмедегі “Алебастр” сөзін қараңыз.
^ Ә14 қосымшасын қараңыз.
^ Немесе “ауыр”.
