Малахи 4:1—6
4 “Міне, пештей лаулаған күн келе жатыр+, сонда менмендер мен зұлымдық жасаушылардың бәрі сабан іспетті болып қалады. Келе жатқан сол күн оларды жалмап, тамырын да, бұтағын да қалдырмайды,— дейді Әскербасы Ехоба.—
2 Ал менің есімімді қастерлейтін сендердің үстеріңнен әділдіктің күні жарқырап, сауықтыратын нұрын төгеді. Сонда қорадан шыққан семіз торпақтай ойнақтап секіресіңдер”.
3 “Мен әрекет ететін сол күні зұлымдарды таптайсыңдар, өйткені олар табандарыңның астындағы топырақтай болады,— дейді Әскербасы Ехоба.
4 —Бүкіл Исраил мойынсұнсын деп, Хорибте қызметшім Мұса арқылы берген Заңымды, ондағы нұсқауларым мен шешімдерімді есте ұстаңдар+.
5 Міне, Ехобаның ұлы да ғаламат күні+ келер алдында сендерге Ілияс пайғамбарды жіберемін+.
6 Ол әкелердің жүрегін балалардікіндей+, ал балалардың жүрегін әкелердікіндей етеді. Мен келіп, жерге соққы беріп, қиратпауым үшін, ол осылай істейді”.
