Миха 1:1—16
1 Яһуданың патшалары+ Жотам+, Ахаз+ және Езекияның+ күндерінде Ехоба* морешеттік Михаға*+ Самария мен Иерусалимге қатысты аян беріп, мына сөзін арнады:
2 “Барлық халықтар, тыңдаңдар!
Уа, жер мен ондағының бәрі, көңіл бұрыңдар!
Ехоба өзінің киелі ғибадатханасында.
Сол жерден Әлемнің Әміршісі Ехоба сендерге қарсы куәлік етсін+.
3 Міне, Ехоба өз тұрағынан шығып келеді,Ол төмен түсіп, жердегі биік төбелерді таптайды.
4 Оның аяғының астындағы таулар+
Отқа еріген балауыздай ериді.
Тік жардан аққан суданАңғарлар қақ айырылады.
5 Мұның бәрі Жақып көтерген бүліктің,Исраил үйінің күнәларының кесірінен болмақ+.
Жақыптың бүлігіне кім жауапты?
Самария+ емес пе?
Ал Яһуданың ғибадат төбелері+ үшін кім жауапты?
Иерусалим емес пе?
6 Мен Самарияны даладағы үйіндіге,Жүзімдік егетін жерге айналдырамын.
Оның тастарын аңғарға лақтырып,Іргетасын жалаңаштап тастаймын.
7 Тәңір мүсіндерінің бәрі күл-талқан болады+,Азғындығы үшін алған сыйларының бәрі отқа жағылады+.
Мен оның барлық пұттарын жоямын.
Оларды Самария азғындығының ақысына жинаған еді,Енді олары қайтадан азғындыққа төлеу үшін әкетіледі”.
8 Сол үшін мен зар еңіреп, ыңырсимын+,Жалаңаяқ, киімсіз жүремін+.
Ұлыған шибөрідей зарлаймын,Шаңқылдаған түйеқұстай қайғырамын.
9 Өйткені Самарияның жарасы — айықпас жара+,Ол Яһудаға дейін жайылды+.
Бұл індет тіпті халқымның қақпасына, Иерусалимге, дейін жетті+.
10 “Ол туралы Ғатта жарияламаңдар.
Оларға көз-жастарыңды көрсетпеңдер!
Бет-Афрада топыраққа аунаңдар.
11 Уа, Шафирдің тұрғындары, масқара болып,Жалаңаш күйі жер аударылып кетіңдер.
Сананның тұрғындары қорқып, сыртқа шықпады.
Бет-Езелде зарлаған дауыстар шығады,Ол енді сендерге қорғаныш болмайды.
12 Мароттың тұрғындары жақсылық күтіп еді,Бірақ Ехоба Иерусалимнің қақпасына апат жіберді.
13 Уа, Лахиштің+ тұрғындары, арбаға аттарыңды жегіңдер,Сендерден Сион қызының күнәсі бастау алды,Ал сенен, Сион қызы, Исраилдің бүлігі шықты+.
14 Сондықтан сен қоштасқанда, Морешет-Ғатқа сый-тарту бересің.
Ақзиптің+ үйлері Исраил патшаларының үміттерін ақтамады.
15 Уа, Марешахтың+ тұрғындары, мен сендерге жаулап алушыны жіберемін+.
Исраилдің даңқтысы Адолламға+ дейін жетеді.
16 Сүйікті балаларыңды жоқтап, шаштарыңды тақырлап алыңдар.
Бастарыңды тазқараның басындай етіп тақырлаңдар,Өйткені балаларың жер аударылып әкетіледі+”.
Сілтемелер
^ Бұл — Құдайдың есімі. Түсіндірмені қараңыз.
^ “Михаел” (мағынасы “Құдай сияқты кім бар?”) немесе “Микаях” (мағынасы “Ехоба сияқты кім бар?”) деген есімнің қысқарған түрі.
