Миха 3:1—12
3 Мен былай дедім: “Тыңдаңдаршы, Жақыптың басшылары,Сендер де, Исраил үйінің билеушілері+.
Сендер әділдіктің не екенін білулерің керек емес пе?
2 Алайда жақсылықты жек көріп+, жамандықты жақсы көресіңдер+,Халқымның үстінен терісін, сүйектерінен етін сылып аласыңдар+.
3 Халқымның етін жеп+,Терісін сыдырып аласыңдар.
Қазанға салып қайнататын еттей,Оларды мүшелеп, сүйектерін сындырасыңдар+.
4 Сөйте тұра Ехобаны көмекке шақырасыңдар,Бірақ ол жауап бермейді.
Жасаған зұлым істерің үшін+,Ол сендерден жүзін жасырады+.
5 Тістеп алып*+, “Тыныштық!” деп айтатын+,Ал ауыздарына ештеңе салмағанға соғыс жариялайтын,Халқымды адастыратын пайғамбарларға+ Ехоба былай дейді:
6 —Сендер үшін аян алмайтын+ түн+,Көрініс көрмейтін түнек болады.
Пайғамбарлардың үстіндегі күн батып,Олардың күндері түнге айналады+.
7 Аян алғыштар ұятқа қалады+,Көрініс көргіштердің көңілі қалады.
Олардың бәрі ұяттан ауыздарын* жабуға мәжбүр болады,Себебі Құдайдан еш жауап келмейді”.
8 Ал мен Жақыпқа бүлігін, Исраилге күнәсін айта алуым үшін,Ехобаның рухымен менің бойыма зор күш,Әділдік пен батылдық дарыды.
9 Мынаны тыңдаңдаршы, Жақып үйінің басшылары,Исраил үйінің билеушілері+!
Сендер әділдікті жек көріп, түзу нәрсенің бәрін бұрмалайсыңдар+,
10 Сионды қантөгіспен, Иерусалимді әділетсіздікпен тұрғызасыңдар+.
11 Оның жетекшілері сотта пара алады+,Діни қызметкерлері ақыға тәлім береді+,Пайғамбарлары ақшаға болашақты жориды+.
Сөйте тұра Ехобаға арқа сүйеп*:
“Ехоба бізбен бірге емес пе+?!
Басымызға еш апат түспейді”,— дейді+.
12 Ендеше, сендердің кесірлеріңненСион егістік сияқты жыртылады,Иерусалим қираған үйіндіге айналады+,Ал ғибадатхана тұрған тау — орман басқан қыраттай болады+.
Сілтемелер
^ Мүмкін: “аузына шайнайтын бірдеңе салғанда”.
^ Немесе “мұрттарын”.
^ Немесе “арқа сүйегенсіп”.