Мұсаның 4-жазбасы 25:1—18
25 Шиттимде+ тұрып жатқан кезінде исраилдіктер Моаб қыздарымен азғындық жасай бастады+.
2 Моаб әйелдері жалған тәңірлеріне арнап құрбандықтар шалып, оған исраилдіктерді шақырды+. Исраилдіктер құрбандықтардан жеп, олардың тәңірлеріне табына бастады+.
3 Осылай олар Пеғор Бағалына ғибадат етті+. Сонда Ехобаның Исраилге қаһары лаулады.
4 Ехоба Мұсаға: “Осы іске жауапты жетекшілердің бәрін ұстап, өлтір де, денелерін күндіз Ехобаның алдында жұртқа көрсетіп іліп қой. Сонда Ехобаның Исраилге лаулаған қаһары басылады”,— деді.
5 Мұса Исраилдің билеріне+: “Әрқайсысың Пеғор Бағалына табынған адамдарыңды өлтіріңдер”+,— деп бұйырды.
6 Бүкіл халық кездесу шатырының кіреберісінде жылап тұрғанда, исраилдіктердің біреуі Мұса мен күллі жұрттың көзінше бауырларының арасына мадияндық бір әйелді ертіп келді+.
7 Діни қызметкер Харонның немересі әрі Елазардың ұлы Пінехес+ мұны көргенде, дереу халықтың арасынан шығып, қолына найзасын алды.
8 Сөйтті де, әлгінің артынан шатырға кіріп, екеуіне найзасын сұғып алды. Найза мадияндық әйелдің құрсағына қадалды. Сонда исраилдіктерді қырғынға ұшыратқан апат тоқтады+.
9 Одан қайтыс болғандардың саны 24 000 болды+.
10 Сосын Ехоба Мұсаға былай деді:
11 “Діни қызметкер Харонның немересі әрі Елазардың ұлы Пінехес+ Исраилге лаулаған қаһарымды басты, өйткені ол халықтың арасында маған жасалған опасыздыққа еш төзбеді+. Сондықтан мен, өзіме қалтқысыз берілуді талап етсем де+, исраилдіктерді түгел қырып тастамадым.
12 Сол себепті Пінехеске шапағатымды көрсететін келісім жасайтынымды айт.
13 Осы келісім бойынша, діни қызмет мәңгілік оған және оның ұрпақтарына беріледі+. Себебі ол өз Құдайына жасалған опасыздыққа еш төзбей+, Исраил халқын күнәдан тазартты”.
14 Мадияндық әйелмен бірге өлтірілген исраилдіктің аты-жөні Салу ұлы Зимри болатын. Ол шимон руындағы бір әулеттің басшысы еді.
15 Ал өлтірілген мадияндық әйелдің аты Хазба болатын. Ол мадияндық+ әулетбасылардың бірі Сурдың қызы еді+.
16 Кейінірек Ехоба Мұсаға былай деп тапсырды:
17 “Мадияндықтарға тыныштық бермей, қырып салыңдар+.
18 Себебі олар Пеғорда сендерді қулықпен күнәға еліктіріп, қырғынға ұшыратты+. Бұл үшін олар мадияндық басшының қызы Хазбаны, яғни Пеғорда халық қырғынға ұшыраған+ күні өлтірілген қарындастарын, қолданды+”.
