Нағұм 1:1—15
1 Ниневия туралы ауыр хабар+. Елқоштық Нағұмның* көрген аяны туралы кітап.
2 Ехоба* — қалтқысыз берілгендікті талап ететін+ және кек алатын Құдай.
Ехоба кек алады әрі қаһарын төгуге дайын+.
Ехоба дұшпандарына есесін қайтарады,Жауларына деген қаһарын жинайды.
3 Ехоба құдіреті зор+ болса да, ашулануға асықпайды+,Ехоба тиісті жазаны міндетті түрде береді+.
Оның жолы жойқын жел мен дауыл арасынан өтеді,Бұлттар аяғының астындағы шаңға ұқсайды+.
4 Ол теңізге тыйым салып+, құрғатады,Өзендердің бәрін кептіреді+.
Башан мен Кармилдің көгі+,Ливанның гүлі солып қалады.
5 Оның алдында таулар сілкініп,Қыраттар еріп кетеді+.
Оның алдында жер дірілдейді,Құнарлы өлке мен онда тұратындардың бәрі де дірілдейді+.
6 Оның ашу-ызасына кім төтеп бере алады+?
Қайнаған қаһарына кім шыдай алады+?
Ол кәрін оттай шашады,Жартастар оның алдында опырылып қалады.
7 Ехоба ізгі+, ол — қиын шақта берік қорған+,Өзінен пана іздегендерді біледі*+.
8 Оның* тұрағын тасқын сумен шайып, тып-типыл қылады.
Ол өз жауларының соңынан қараңғылық жібереді.
9 Ехобаға қарсы не ойластырмақсыңдар?
Ол түк қалдырмай қырып-жояды.
Мұндай апат екінші рет қайталанбайды+.
10 Ниневия жұрты шырмалған тікендей,Сыра ішіп мас болған адамдай.
Сөйтсе де олар құрғақ сабандай жанып кетеді.
11 Сенен Ехобаға қарсы зұлымдық ойластыратын,Пайдасыз кеңес беретін біреу шығады.
12 Ехоба мынаны айтады:
“Олар күші зор, қыруар халық болса да,Күйретіліп, құрып жоқ болады*.
Мен саған* апат жіберген едім, бұдан былай жібермеймін.
13 Енді оның саған салған мойынтұрығын сындырып+,Кісендеріңді үзіп тастаймын.
14 Ехоба саған* қатысты былай деп бұйырды:
Артыңнан ұрпақ қалмай, атың өшеді.
Ойып жасалған мүсіндер мен темір пұттарды тәңірлеріңнің үйінен құртамын.
Жеккөрінішті болғаның үшін, саған көр дайындаймын.
15 Міне, тау асып ізгі хабар жеткізуші,Тыныштық жариялаушы келе жатыр+.
Уа, Яһуда, мейрамдарыңды+ өткізіп, серттеріңді орында.
Өйткені оңбаған адам ендігәрі араңнан өтпейді.
Ол біржола құрып жоқ болады”.
Сілтемелер
^ Мағынасы “жұбатушы”.
^ Бұл — Құдайдың есімі. Түсіндірмені қараңыз.
^ Немесе “қамқорлайды”.
^ Яғни Ниневияның.
^ Мүмкін: “ол өте шығады”.
^ Яғни Яһудаға.
^ Яғни Ассирияға.