Ошия 10:1—15
10 “Исраил жабайыланып* бара жатқан жүзім іспетті+.
Жемісі көбейген сайын, құрбандық орындарын көбейтуде+.
Жерінің өнімі жақсарған сайын, қасиетті бағаналарын әдемілеуде+.
2 Олардың жүректеріне екіжүзділік* ұялаған.
Енді олар айыпты деп табылады.
Құрбандық орындарын талқандап, бағаналарын қирататын біреу бар.
3 Енді олар: “Ехобадан қорықпағандықтан, бізде патша жоқ+,Болған күнде де, ол біз үшін не істей алар еді?”— дейтін болады.
4 Олар бос сөз айтуда, жалған анттар беруде+, келісімдер жасасуда.
Сондықтан да сот істері жыртылған жерге қаулап өскен улы шөп іспетті+.
5 Самария тұрғындары Бет-Әбеннің бұзау мүсінін+ уайымдап қорқады,Халқы оны жоқтап қайғырады,Оған және оның салтанатына қуанған бөтен тәңірдің діни қызметкерлері де еңіреп жылайды.
Өйткені сол мүсін жер аударып әкетіледі.
6 Ол ұлы патшаға сый ретінде Ассирияға апарылады+.
Ефрем ұятқа қалатын болады,Исраил құлақ асқан ақыл-кеңесі үшін масқара болады+.
7 Самария мен оның патшасының үні өшеді+,Ол кесіліп су бетіне тасталған бұтақ сияқты ғайып болады.
8 Бет-Әбеннің+ төбелері, Исраилдің күнәсі+, жойылады+.
Ондағы құрбандық орындарын тікен мен түйетікен басады+.
Сонда халық тауларға: “Бізді жауып қалыңдар!”
Ал төбелерге: “Үстімізге құлаңдар!”— дейтін болады+.
9 Уа, Исраил, Гибеяның күндерінен бері күнә жасап келесің+,Содан бері еш өзгерген жоқсың.
Гибеядағы соғыста әділетсіз ұлдар түгел жойылмаған еді.
10 Қалаған кезімде мен оларды жазалаймын.
Олар өздерінің екі қылмысына жегілгенде*,Халықтар оларға қарсы жиналатын болады.
11 Ефрем астық бастыруға үйретілген әрі соны жақсы көретін танадай еді,Сондықтан оның әдемі мойнын аяғанмын.
Ал енді біреуді Ефремнің үстіне мінгіземін*+,Яһуда ол үшін жер жыртып, Жақып тырмалап береді.
12 Өздерің үшін әділдіктің тұқымын сеуіп,Айнымас сүйіспеншілік орыңдар.
Ехобаны іздеуге әлі де уақыт барда+,Ол келіп, әділдікке үйреткенге дейін+,Өздерің үшін егістік жерді жыртыңдар+.
13 Бірақ сендер зұлымдық жыртып,Әділетсіздік ордыңдар+,Қулық-сұмдықтың жемісін жедіңдер.
Өйткені ұстанған өз жолдарыңа,Қыруар сарбаздарыңа сенім арттыңдар.
14 Халқыңа қарсы айқай-шу көтеріледі,Бекіністі қалаларың қирап, қаңырап қалады+,Бұл Шалманның Арбел үйін ойран қылып,Аналары бала-шағасымен қоса кескілеп өлтірілген шайқас күніндей болады.
15 Асқан зұлымдығың үшін, уа, Бетел, осындай нәрселер басыңа түседі+.
Таң ата Исраил патшасының үні өшеді+”.
Сілтемелер
^ Мүмкін: “жайқалған”.
^ Немесе “тиянақсыздық; сенімсіздік”.
^ Яғни жазаларын мойынтұрық сияқты көтергенде.
^ Немесе “қамыт кигіздіремін”.
