Ошия 11:1—12
11 “Мен Исраилді бала кезінде жақсы көрдім+,Ұлымды Мысырдан шақырып алдым+.
2 Олар* шақырған сайын,Халық олардан алшақтай түсті+.
Бағал бейнелеріне құрбандықтар шалып+,Ойып жасалған мүсіндерге құрбандықтар ұсына берді+.
3 Ефремге тәй-тәй басуды үйреткен+, қолға алып көтерген мен едім+,Бірақ өздерін сауықтырған мен екенімді мойындамады.
4 Мен оларды адамға тән мейірімділіктің жібімен+,Сүйіспеншіліктің жібімен жетелеп жүрдім.
Мойынтұрықты мойындарынан алған* адамдай болдым,Әрқайсысының алдына мейіріммен ас-су қойдым.
5 Олар Мысырға оралмайды, бірақ патшасы Ассирия болады+.
Себебі маған қайта оралудан бас тартты+.
6 Құрған айла-амалдары үшін қалаларын семсер зулай аралап шығып+,Қақпа ысырмаларын қиратып, оларды жалмап қояды+.
7 Халқым маған опасыздық жасауға бейім+.
Оларды жоғарыға* шақырса да, ешкім орнынан тұрар емес.
8 Қалай сені тастамақпын, уа, Ефрем+?
Қалай сені жау қолына бермекпін, уа, Исраил?
Қалай саған Адмаға істегендей істемекпін?
Қалай Зебоимге+ жасағандай жасамақпын?
Мен ойымды* өзгертіп, сені қатты аяп кеттім+.
9 Лаулаған қаһарымды төкпеймін.
Ефремді қайта жоймаймын+,Өйткені мен пенде емеспін, Құдаймын,Араларыңда тұратын Киелі Тұлғамын.
Сендерге ашу-ызамен келмеймін.
10 Олар Ехобаның соңынан жүреді, ол арыстандай ақырады+.
Ақырғанда, ұлдары батыс жақтан дірілдеп қайтып келеді+.
11 Олар Мысырдан шыққанда құстай,Ассирия жерінен шыққанда көгершіндей діріл қағады+.
Мен оларды өз үйлеріне қоныстандырамын”,— дейді Ехоба+.
12 “Қайда қарасам да, Ефремнің өтірігін,Исраилдің қулық-сұмдығын көремін+.
Ал Яһуда әлі де Құдаймен бірге жүр,Ол Ең Киелі Құдайға адал+”.
Сілтемелер
^ Яғни Исраилге тәлім беруге жіберілген пайғамбарлар мен өзге де адамдар.
^ Сөзбе-сөз “жағынан көтерген”.
^ Яғни асқақ ғибадатқа.
^ Сөзбе-сөз “жүрегімді”.
