Ошия 14:1—9
14 “Уа, Исраил, Құдайың Ехобаға қайта орал+,Себебі сен өз қылмысыңның кесірінен сүріндің.
2 Мына сөздермен Ехобаға қайта оралып:
—Қылмысымызды кешіре көр+, бізден жақсы нәрсені қабыл ала көр.
Жас бұқаларды құрбандыққа ұсынғандай, саған мадақтау сөздерін ұсынамыз+.
3 Ассирия бізді құтқармайды+.
Бұдан былай атқа мініп жүрмейміз+,Қолымызбен жасаған заттарға “Уа, Құдайымыз!” дейтін болмаймыз.
Өйткені жетімге мейір-шапағат көрсететін өзіңсің ғой+,— деңдер.
4 Мен оларды сауықтырамын+, енді опасыздық жасамайды.
Оларға деген ашуым қайтқандықтан+,Оларды өз еркіммен жақсы көремін+.
5 Мен Исраилге шық іспетті боламын,Сонда ол лалагүлдей құлпырады,Ливан ағашындай тамыр жаяды.
6 Ол өркен жайып,Даңқы зәйтүн ағашындай шығады,Жұпар иісі Ливан ағашындай аңқиды.
7 Халқым қайтадан мені саялайды.
Олар егін егіп, жүзім іспетті гүлдейді+.
Оның атағы Ливан шарабындай болады.
8 Ефрем: —Пұттардың енді маған қажеті не?— дейтін болады+.
Өзім оған көңіл аударып, қамын жасаймын+.
Мен жайқалған аршадай боламын.
Саған жемісті өзім беремін”.
9 Кім дана? Сол осы жайттарды ұғып алсын.
Кім парасатты? Сол осыларды біліп алсын.
Өйткені Ехобаның жолдары түзу+,Әділдер сол жолдармен жүреді,Ал күнәкарлар сүрініп құлайды.
