Ошия 5:1—15
-
Ефрем мен Яһудаға шығарылған үкім (1—15)
5 “Тыңдаңдар, діни қызметкерлер+,Ден қойыңдар, уа, Исраил үйі,Құлақ салыңдар, уа, патшаның үйі,Сендерге сот жүргізіледі.
Өйткені Миспа үшін құрылған тұзақсыңдар,Табордың+ үстіне лақтырылған торсыңдар.
2 Жолдан тайғандар* қанды судай ағызды.
Олардың бәріне ескертемін*.
3 Ефремді жақсы білемін,Исраил менен жасырын емес.
Уа, Ефрем, бейберекет азғындыққа салындың.
Исраил өз-өзін арамдады+.
4 Олардың істері Құдайға қайтуларына мұрша бермейді,Өйткені араларында азғындық рухы кең тараған+.
Олар Ехобаны мойындамайды.
5 Исраилдің өркөкіректігі өзіне қарсы куә болды+.
Исраил мен Ефрем өз қылмыстарынан сүрінді.
Олармен бірге Яһуда да шалынды+.
6 Олар отар-табындарымен Ехобаны іздеді,Бірақ оны таба алмады.
Өйткені Құдай олардан алшақтап кеткен еді+.
7 Олар бөтен балаларға әке болып,Ехобаға сатқындық жасады+,Бір ай оларды меншігімен қоса жалмап қояды*.
8 Гибеяда мүйіз керней тартыңдар+,Рамақта да кернейлетіңдер+!
Бет-Әбенде+ атой салыңдар!
Уа, Бениямин, сенің соңыңнан келеміз!
9 Ей, Ефрем, жазаға тартылған күні адам шошитын күйге түсесің+.
Исраил руларына шүбәсіз болатын жайттарды жарияладым.
10 Яһуда әміршілері шегара белгісін жылжытқандарға ұқсайды+.
Олардың үстіне қаһарымды судай төгемін.
11 Дұшпандарына еруге бел буғандықтан,Ефрем қысым көріп, әділ жазасын алып күйреуде+.
12 Сондықтан мен Ефрем үшін киімге түсетін күйе сияқты,Яһуда үйі үшін бүлдіретін шірік іспетті болдым.
13 Ефрем өз ауруын, Яһуда өз жарасын байқағанда,Ефрем Ассирияға барып+, ұлы патшаға хабаршы жіберді.
Бірақ ол сендерді айықтыра алмады,Жараларыңды жазу қолынан келмеді.
14 Мен Ефрем үшін жас арыстандай,Яһуда үйі үшін күшті арыстандай боламын.
Өзім оларды паршалап, тастап кетемін+.
Оларды сүйреп әкетемін, ешкім құтқармайды+.
15 Мен орныма ораламын,Олар күнәсінің салдарын көргенше, сол жерде қаламын.
Сонда олар ықыласыма ие болуға тырысады+.
Қатты қиналғанда, мені іздейтін болады+”.
Сілтемелер
^ Немесе “бүлікшілер”.
^ Немесе “оларды жөнге саламын”.
^ Мүмкін: “олар бір айдың ішінде құрып кетеді”.
