Ошия 9:1—17
9 “Уа, Иерусалим, шаттанба+,Өзге халықтар сияқты қуанба.
Өйткені азғындығыңның кесірінен Құдайыңнан алшақтап кеттің+.
Әр қырманда азғындық жасап тапқан сыйақыңды ұнаттың+.
2 Енді қырман мен жүзім сығатын орын сені асырамайды,Жаңа шарап та болмай қалады+.
3 Олар бұдан былай Ехобаның жерінде тұрмайды+,Қайта, Ефрем Мысырға оралады,Ассирияда арам нәрселер жейтін болады+.
4 Ендігәрі олар Ехобаға шарапты тарту етіп төкпейді+,Құрбандықтарына ол риза болмайды+.
Бұлары қасірет наны іспетті.
Одан жегендердің бәрі арамдалады.
Өйткені олардың наны өздеріне ғана арналған,Ол Ехобаның үйіне әкелінбейді.
5 Ехобаға бағышталған мейрам күні,Бас қосып жиналған күні не істемексіңдер?
6 Міне, елдің тас-талқаны шыққандықтан+, қашуға мәжбүр боласыңдар.
Мысыр сендерді жинайды+, ал Мемфис жерлейді+.
Күмістен жасалған бағалы заттарыңды қалақай басып,Шатырларыңның ішін тікенді бұта қаптап кетеді.
7 Құдай сендерді жазалап+,Есесін қайтаратын күндер келе жатыр,Исраил, осыны біліп қой.
Пайғамбарың ақымақ болады, рухқа бөленген адамың есінен ауысады.
Қылмысың бастан асатындықтан, саған деген өшпенділік те көп”.
8 Кезінде Ефремнің күзетшісі+ менің Құдайыммен бірге еді+.
Ал енді пайғамбарларының+ жолы құс аулаушының тұзағы сияқты.
Құдайының үйі өшпенділікке толы.
9 Исраил халқы Гибеяның күндеріндегідей әбден бұзылған+.
Құдай олардың қылмысын есіне алып, күнәлары үшін жазаға тартады+.
10 “Мен Исраилді тапқанда, шөл далада жүзім бұтасын тапқандай болдым+.
Ата-бабаларын көргенде, ерте пісетін інжір ағашын көргендей болдым.
Бірақ олар Пеғор Бағалына бет бұрып+,Өздерін ұятқа қалдыратын нәрсеге* бағыштады+,Содан олар жақсы көрген сол нәрсесі сияқты жеркенішті болып кетті.
11 Ефремнің сән-салтанаты құс іспетті ұшып кетті.
Бойына бала біткен, жүкті болған, босанып жатқан ешкім жоқ+.
12 Тіпті өсірген балалары болған күнде де,Олардан айырамын, бірде-бір адам қалдырмаймын+.
Осылай теріс айналған кезімде, олар қасіретке қалады+!
13 Көгалға отырғызылған Ефрем мен үшін Тир+ сияқты болып еді.
Ал енді Ефрем өз ұлдарын қырғынға ұшыратуға мәжбүр”.
14 Уа, Ехоба оларға беретініңді бер,Құрсақтарын түсік тастайтын, емшектерін сүт шықпайтын ет.
15 “Олар бар зұлымдығын Ғылғалда+ жасады, сол жерде оларды жек көріп кеттім.
Залым істері үшін оларды үйімнен қуып жіберемін+.
Оларды бұдан былай жақсы көрмеймін+,Әміршілерінің бәрі шетінен қырсық.
16 Ефрем қатты соққы алады+.
Оның тамыры кеуіп, жеміс әкелмейтін болады.
Бала туған күнде де, аяулы перзенттерін мерт қыламын”.
17 Өзіне құлақ аспағандықтан+,Құдайым олардан бас тартады.
Содан олар халықтардың арасына қаңғып кетеді+.
Сілтемелер
^ Немесе “құдайға”.
