Патшалар 1-жазба 4:1—34
4 Сүлеймен патша күллі Исраил еліне билік құрды+.
2 Оның қарамағындағы лауазымды қызметкерлері мыналар болды: Садық+ ұлы Азариях — діни қызметкер,
3 Шишаның ұлдары Елихореп пен Ахия — хатшы+, Ахилуд ұлы Жосафат — шежіреші+,
4 Еходай ұлы Бенаях+ — қолбасшы, Садық пен Әбиятар+ — діни қызметкер,
5 Натан+ ұлы Азариях — аймақ әкімдерінің басы, Натан ұлы Забуд — діни қызметкер әрі патшаның досы+,
6 Ахишар — үй басқарушы, Абда ұлы Адонирам+ — басыбайлы қызметшілердің+ қараушысы.
7 Сүлейменнің бүкіл Исраилдің үстінен қарайтын 12 аймақ әкімі болды. Олар патша мен оның үй ішінің ас-сумен қамтамасыз етілуіне жауапты еді. Әкімдер сол міндеттерін кезекпен жылына бір ай бойы атқаратын+.
8 Олардың аты-жөндері келесідей: Ефрем таулы өңірінің әкімі — Хұр ұлы;
9 Мақас, Шағалбим+, Бет-Шамиш пен Елон-Бет-Ханан әкімі — Декер ұлы;
10 Арубот әкімі — Хесед ұлы (Соқот пен бүкіл Хефер жері соның қарамағында еді.);
11 Дордың жоталы аймағының әкімі — Әбинадап ұлы (Ол Сүлейменнің қызы Тафатқа үйленген еді.);
12 Танақ пен Мегиддоның+ және Саретан маңында, Езрехелден төменде жатқан күллі Бет-Шеған аймағының+, сондай-ақ Бет-Шеғаннан Әбел-Мехола мен Екмоғам аймағына+ дейінгі жердің әкімі — Ахилуд ұлы Баған;
13 Рамот-Ғалақаттың+ әкімі — Гебер ұлы (Оның қарамағында Ғалақаттағы+ Манаса ұлы Жайырдың+ шатырлы ауылдары және Башандағы+ Арғоб өңірі+ де болды. Бұл өңірде дуалмен қоршалып, мыс ысырма салынған 60 үлкен қала бар еді.);
14 Маханаим+ әкімі — Иддо ұлы Ахинадаб;
15 Нафталим әкімі — Ахимағас (Ол Сүлейменнің Басемат деген қызын алды.);
16 Ашир жері мен Беғалоттың әкімі — Хушай ұлы Баған;
17 Исахар жерінің әкімі — Паруах ұлы Жосафат;
18 Бениямин+ жерінің әкімі — Ела ұлы Шимей+;
19 Ғалақат+ жерінің, яғни аморлықтардың патшасы Сихон+ мен Башан патшасы Ог+ билік еткен жердің әкімі — Ұри ұлы Гебер. Аты аталған аймақ әкімдерінің үстінен бір әкім қойылған еді.
20 Құм қиыршықтарындай көп Яһуда мен Исраил елі+ ішіп-жеп, қуанышпен өмір кешіп жатты+.
21 Сүлеймен болса Евфраттан+ філістірлер жері мен Мысырдың шегарасына дейінгі барлық патшалықтарға билік жүргізді. Олар Сүлейменнің көзі тірісінде оған қызмет етіп, салық төлеп тұрды+.
22 Сүлейменнің сарайында күнделікті жұмсалатын азық-түлік мөлшері келесідей еді: 30 кор* таңдаулы ұн, 60 кор өзге ұн;
23 бордақыланған 10 және жайлаудан әкелінген 20 ірі қара мал, 100 қой, сондай-ақ бұғы, киік, елік, семіртілген көкектер.
24 Сүлеймен Евфраттың+ батыс жағындағы Типсақтан Газаға+ дейінгі аймаққа және ондағы барлық патшаларға билік жүргізді. Оның қарамағындағы аймақтардың бәрінде тыныштық болды+.
25 Сүлейменнің тұсында Даннан Бер-Шебаға дейінгі Яһуда мен Исраил елі қауіпсіз өмір кешіп, әрқайсысы өз жүзімдігі мен інжірінің астында отырды.
26 Сүлейменнің арбаларға жегетін жылқысына арналған 4000* ат қорасы және 12 000 жылқысы* бар еді+.
27 Аймақ әкімдері Сүлеймен патша мен оның дастарқанынан ішіп-жейтіндердің бәрін азық-түлікпен қамтамасыз ететін. Олардың әрқайсысы өз кезегін атқаратын айда қажеттінің бәрі жеткілікті болуын қадағалайтын+.
28 Сондай-ақ әрқайсысы өз міндетіне сай, арбаға жегілетін және басқа да аттарға арнап, қажет болған жерлерге арпа мен сабан жеткізіп тұратын.
29 Құдай Сүлейменге асқан даналық пен ақыл-парасат және теңіз жағасындағы құм қиыршықтарындай мол түсінікке толы жүрек сыйлады+.
30 Сүлейменнің даналығы бүкіл шығыс елдері мен Мысыр данышпандарының даналығынан асып түсті+.
31 Ол барлық адамдардан ақылды болды. Оның даналығы езарахтық Етаннан+, Махолдың ұлдары Хеман+, Қалхол+ және Дардадан да артық болып, атағы айналадағы барлық халықтарға тарады+.
32 Сүлеймен 3000 нақыл сөз құрастырды+, 1005 өлең жазды+.
33 Ол Ливандағы қарағайлар сияқты алып ағаштар жөнінде ғана емес, дуалдан өсіп шығатын сайсағыз+ сияқты кішкентай өсімдіктер туралы да, сондай-ақ аңдар+, құстар+, бауырымен жорғалаушылар*+ және балықтар жайында тәлім беретін.
34 Сүлейменнің даналығын тыңдауға барлық ұлт өкілдері келетін. Оның даналығы туралы естіген патшалар да шартараптан келіп жататын+.
Сілтемелер
^ 1 кор 220 л-ге тең. Ә14 қосымшасын қараңыз.
^ Кей қолжазбалар мен параллель тармақтарда осы сан көрсетілген. Басқа біреулерінде 40 000 делінген.
^ Немесе “салт атты жігіті”.
^ Бұған жәндіктер де кіруі мүмкін.