Петірдің 1-хаты 3:1—22
3 Сол сияқты, сендер, әйелдер, күйеулеріңе бағыныңдар+. Осылайша Құдай сөзіне мойынсұнбайтын күйеулерің сөздерің арқылы емес, жүріс-тұрыстарың арқылы оған мойынсұнатын болсын+.
2 Олар таза жүріс-тұрыстарыңды+ әрі өздерін барынша құрметтейтіндеріңді көргенде, осылай болмақ.
3 Сендердің көріктерің шаш өру, алтын бұйымдар+ не қымбат киімдер сияқты сыртқы әшекейлер емес,
4 қайта, жан-дүниелеріңдегі сәні кетпес әшекейлер*, яғни Құдайдың көз алдында аса бағалы саналатын биязы да жұмсақ мінездерің* болсын+!
5 Ежелде Құдайға үміт артқан қасиетті әйелдер де күйеулеріне бағынып, өздерін осылай көркейтетін.
6 Мысалы, Сара Ыбырайымды “қожайыным” деп атап, оған мойынсұнған+. Егер жақсылық жасаудан талмасаңдар әрі ешқандай қорқынышқа бой алдырмасаңдар+, оның балалары боласыңдар.
7 Сол сияқты, күйеулер, әйелдеріңе алған білімдеріңе сай қарап*, бірге өмір кеше беріңдер. Құдайдың рақымының арқасында сендер де солармен бірге өмірді мұра ететіндіктен+, оларға әлдеқайда нәзік құты — әйел заты — ретінде құрмет көрсетіңдер+. Сонда дұғаларыңа тосқауыл болмайды.
8 Қорыта айтқанда, бәрің де пікірлес+, қайғыға ортақтас, бауырластарды сүйетін, мейлінше жанашыр+, кішіпейіл болыңдар+.
9 Жамандыққа жамандықпен қайтармаңдар+, тіл тигізгендерді ғайбаттамаңдар+, қайта, ақ батамен жауап беріңдер+. Өйткені сендер батаға ие болу үшін, осыған шақырылдыңдар.
10 “Өмірді жақсы көріп, бақытты ғұмыр кешкісі келетін адам тілінен жамандық+, аузынан өтірік шықпауын қадағаласын;
11 жамандықтан қашық+, жақсылыққа асық болсын+; татулықты іздеп, соған ұмтылсын+.
12 Себебі Ехобаның көзі әділдерде, құлағы олардың жалбарынған үнінде+, ал жамандық жасайтындардан Ехоба жүзін теріс бұрады+”.
13 Жақсылық жасауға ынталы болсаңдар, кім сендерге зияндық жасар дейсіңдер+?
14 Ал сендер әділдік үшін қасірет шексеңдер де, бақыттысыңдар+. Бірақ олар қорқатын нәрседен* қорықпаңдар да, абыржымаңдар да+.
15 Қайта, жүректеріңде Мәсіхті Иеміз деп қастерлеңдер. Үміттеріңді түсіндіріп беруді талап еткен кез келген адамның алдында оны қорғап сөйлеуге әрдайым дайын болыңдар, бірақ мұны жұмсақтықпен+ әрі зор құрметпен істеңдер+.
16 Ар-ұждандарыңды таза сақтаңдар+, сонда сендерді жамандайтындар Мәсіх жолындағы жақсы жүріс-тұрыстарыңды+ көріп ұялатын болсын+.
17 Егер сендердің жақсылық жасай тұра, жапа шеккендерің+ Құдайдың қалауы болса, бұл жамандық жасап, жапа шеккеннен әлдеқайда жақсы+.
18 Өйткені Мәсіх те әділ бола тұра, әділетсіздер үшін бір рет өліп+, оларды күнәларынан арылтты+. Мұны ол сендерді Құдайға әкелу үшін істеді+. Ол тәнінде өлтіріліп+, рухани денемен тірілді+.
19 Сосын көкке барды және қапастағы рухтарға уағыздады+.
20 Бұлар кезінде Құдайға мойынсұнбаған рухтар. Құдай Нұх пайғамбардың заманында+ кеме* соғылғанша+ шыдамдылықпен күткен еді. Сол кемеге кірген азғана адам, сегіз жан, топан судан аман қалған болатын+.
21 Бұл жайт — қазір сендерді Иса Мәсіхтің қайта тірілуі арқылы құтқарып жатқан нәрсенің, яғни шомылдыру рәсімінің* (денені кірден тазартудың емес, Құдайдан таза ар-ұждан сұраудың+) белгісі.
22 Мәсіх көкке көтеріліп, Құдайдың оң жағына отырды+. Құдай оған періштелерді, билеушілер мен күш атаулыны бағындырып берді+.
Сілтемелер
^ Немесе “жүректеріңдегі жасырын болмыстарыңның шірімес әшекейлері”.
^ Сөзбе-сөз “рухтарың”.
^ Немесе “сезімдерін ескеріп; түсінікпен қарап”.
^ Мүмкін: “олардың қоқан-лоқысынан”.
^ Бұл кеме жәшік пішінді болған.
^ Түсіндірмені қараңыз.
