Софония 1:1—18
1 Яһуда патшасы Амонның+ ұлы Жосияның+ күндерінде Ехоба* Құдайдың Софонияға* арнаған сөзі (Софония Құшидың, Құши Ғодалияхтың, Ғодалиях Амарияхтың, Амариях Езекияның ұлы болатын):
2 “Мен барлығын жер бетінен жоқ қыламын”,— дейді Ехоба+.
3 “Мен адам мен жануарды,Аспандағы құс пен теңіздегі балықты,Сүріндіретін тастарды*+ да, зұлымдарды да жоямын+,Жер бетінен адамдардың көзін құртамын”,— дейді Ехоба.
4 “Мен қолымды Яһудаға,Күллі Иерусалим тұрғындарына қарсы созып,Осы жерде Бағалдың+ бірде-бір жұрнағын қалдырмаймын,Бөтен тәңірлердің абыздары мен жалған діни қызметкерлердің есімін өшіремін+,
5 Сондай-ақ үй төбелерінде аспан денелеріне* тағзым ететіндердің+,Ехобаға адал боламыз деп ант ете тұра+,Малхамға адал боламыз деп ант ететіндердің+ көзін құртамын.
6 Ехобадан бас тартып, оған ермейтіндерді+,Ехобаны іздеп, одан басшылық сұрамайтындарды жоямын+”.
7 Әлемнің Әміршісі Ехобаның алдында үн шығармаңдар,Өйткені Ехобаның күні жақын+.
Ехоба құрбандық дайындады,Өзі шақырғандарын қасиетті етті.
8 “Мен, Ехоба, құрбандығымды шалатын күні әміршілерді,Патша ұлдарын+, жатжерлік киім кигендердің бәрін жауапқа тартамын.
9 Сол күні мен мінбеге* көтерілген әркімді,Қожайынының үйін зорлық пен қулық-сұмдыққа толтырғандарды жауапқа тартамын.
10 Сол күні,— дейді Ехоба,—Балық қақпасынан+ айқай-шу,Қаланың Екінші ауданынан+ зарлаған дауыс,Ал төбелерден қирап жатқанның гүрсілі естіледі.
11 Мактештің* тұрғындары, зар илеңдер,Себебі барлық саудагерлердің үні өшті,Күміс өлшейтіндердің бәрі жойылды.
12 Сол уақытта мен Иерусалимді шамдармен мұқият қарап шығып,Бейқам жүргендерді* жауапқа тартамын,Өйткені олар іштей “Ехоба жақсылық та, жамандық та жасамайды” деседі+.
13 Олардың байлығы тоналып, үйлері қаңырап бос қалады+.
Үй соққанымен, олар онда тұрмайды,Жүзімдік отырғызғанмен, оның шарабын ішпейді+.
14 Ехобаның ұлы күні жақын+!
Ол күн жақын, тез жақындап келеді*+!
Ехобаның күнінің дауысы ащы+.
Сол кезде мықты жауынгер өкіріп жылайтын болады+.
15 Ол күн — қаһар күні+,Қасірет пен азап күні+,Дауыл тұратын, қаңырап қалатын күн,Қараңғылық пен түнек күні+,Бұлт қаптаған, түнерген күн+,
16 Бекіністі қалалар мен бұрыш-бұрыштағы биік мұнараларға+ қарсыМүйіз керней тартылып, атой салынатын күн+.
17 Адамдарға қасірет жіберемін,Сонда олар соқыр адамдай жүреді+.
Себебі олар Ехобаға қарсы күнә жасады+.
Олардың қаны топырақ сияқты аяқасты болады,Ал ішек-қарындары ақтарылып, тезек іспетті жатады+.
18 Ехобаның қаһар күні оларды күмісі де, алтыны да құтқара алмайды+.
Оның құлшынысы от іспетті бүкіл жер бетін жалмап қояды+,Өйткені жердің күллі тұрғынына қырғын, тіпті жантүршіктіретін қырғын салады+”.
Сілтемелер
^ Мағынасы “Ехоба жасырды (сақтады)”.
^ Бұл — Құдайдың есімі. Түсіндірмені қараңыз.
^ Пұтқа табынушылықпен байланысты заттар не іс-әрекеттер болса керек.
^ Сөзбе-сөз “көк әскеріне”.
^ Патша тағы тұратын мінбе болса керек.
^ Иерусалимнің Балық қақпасы маңындағы бөлігі болса керек.
^ Сөзбе-сөз “тұнба болып шөккендер”, яғни шарап құйылған ыдыстағы тұнба іспетті.
^ Немесе “қатты асығуда”.
