Таңдаулы ән 1:1—17
1 Сүлейменнің таңдаулы әні*+:
2 “Сүйсе екен мені еріндерің,Шараптан да артық сенің еркелеткенің+.
3 Иісмайыңның жұпары аңқыған+,Есімің иісмайдай жағымды+,Содан да қыздар ғашық саған.
4 Алып кетші мені, кетейік қашып,Өйткені патша ішкі бөлмелеріне алды мені кіргізіп!
Бірге қуанып, шаттанайық,Еркелеткеніңді шараптан да көп мадақтайық.
Олардың* махаббатына сенсің лайық.
5 Қара торы болсам да, сұлумын мен, уа, Иерусалим қыздары,Өңім ұқсайды Кедар шатырларына+, Сүлеймен шатырының жабуына+.
6 Қара торы екен деп, қарамаңдаршы тесіле,Күн сәулесі күйдіріп еді денемді.
Ағаларым маған ашуланып,Жүзімдіктерін қаратып қойып еді,Ал өз жүзімдігім қараусыз қалып қойды.
7 Айтшы маған, жанымдай сүйген аяулым,Қай жерде отарыңды бағасың+,Тал түсте қайда оны жусатасың?
Айтшы маған, жүрмейін бетін жапқан* әйелдей,Жолдастарың баққан отарлар арасынан сені іздеп”.
8 “Уа, әйел затының ең сұлуы, егер сен білмесең,Жүре бер отардың ізіне түсіп,Лақтарыңды шопан шатырларының маңында бағып”.
9 “Сүйіктім, өзіңді перғауын күймесінің сәйгүлігіне теңедім мен+.
10 Жүзің сенің көрікті әшекейлеріңмен*,Мойның да әдемі моншақтарыңмен.
11 Өзіңе арнап күміспен өрнектелгенАлтын әшекей жасап береміз”.
12 “Патша дастарқан басында отырғанда,Аңқып тұрады майымның жұпар иісі+.
13 Қымбаттым менің мүр+ салынған қалташадайКеудемде ілулі тұратын түні бойы.
14 Аяулым менің қынагүл шоғындай+
Ен-Геди+ жүзімдіктерінің арасындағы”.
15 “Қандай сұлу едің, сүйіктім!
Қос жанарың көгершіндікіндей, сондай әсем ажарың!”+
16 “Сен де әдемісің, қымбаттым, көріктісің+!
Төсегіміз болар жапырақтан,
17 Зәулім үйіміздің тіреніші қарағайдан,Ал белағашы аршалардан.
Сілтемелер
^ Немесе “өлеңдердің өлеңі”.
^ Яғни қыздардың.
^ Немесе “қара жамылған”.
^ Мүмкін: “өрілген шашыңның арасындағы”.
