Таңдаулы ән 2:1—17
2 Мен жазықта* өсетін қарапайым бәйшешекпін*,Аңғарда шығатын лалагүлмін+”.
2 “Лалагүл қандай болса тікендер арасында,Менің сүйіктім де дәл сондай қыздар арасында”.
3 “Алма ағашы қандай болса орман ішінде,Асылым менің дәл сондай жігіттер арасында,Аңсаймын соның саясында отыруды,Жемісі оның тәтті, тілімді үйіреді.
4 Ол мені тойханаға* алып кірді,Махаббатының жалауын төбемнен көтерді.
5 Мейіз беріңдер әлденейін+,Алма беріңдер қуаттанайын,Өйткені махаббат дертіне шалдыққанмын.
6 Сол қолын ол төседі басыма,Оң қолымен алды құшағына+.
7 Уа, Иерусалим қыздары, өзі оянбайынша жүрегімде,Махаббат отын тұтатпауды ант етіңдерКиіктермен+, дала маралдарымен+.
8 Мынау асылымның даусы ғой!
Қараңдаршы, әне, ол келе жатырТаулардан асып, қырлардан жүйткіп.
9 Қымбаттым менің ұқсайды киікке, жас бұғыға+.
Міне, тұр ол қабырғаның артында,Қарайды терезеден үңіліп,Торынан оның ішке сығалап.
10 Асылым тіл қатып, маған былай дейді:
—Сүйіктім, орныңнан тұра ғой,Аруым, маған ілесіп жүре ғой.
11 Қарашы, қыс* бітті,Жауын-шашын басылып, артта қалды.
12 Айнала құлпырып гүлденді+,Жүзімді бұтақтайтын кез де келді+,Далада кептер үні естіледі+.
13 Інжірдің пісті алғашқы жемісі+,Жүзім гүлдеп, аңқиды хош иісі,Тұра ғой, сүйіктім, кел қасыма,Аруым менің, маған ілесіп жүре ғой.
14 Көгершінім, жартаста жасырынған+,Шатқалдардың арасын паналаған,Жүзіңді көрсетші, естіртші маған даусыңды+,Үнің сондай жағымды, көркің сенің сүйкімді+”.
15 “Ұстап бер бізге түлкілерді,Гүлдеп тұрған жүзімдіктіБүлдіріп кетпесін олардың күшіктері”.
16 “Асылым менікі, ал мен онікімін+,Ол қой бағып жүр+ лалагүлдер арасында+.
17 Самал жел соғып, көлеңке жоғалмай тұрғанда,Қымбаттым менің, тезірек оралшы қасыма,Киіктей+, жас бұғыдай+ асып арада тұрған таулардан*.
Сілтемелер
^ Сөзбе-сөз “жағалаудағы жазықта”.
^ Немесе “шафран”.
^ Сөзбе-сөз “шарапханаға”.
^ Немесе “жауын-шашынды мезгіл”.
^ Мүмкін: “жарылған таулардан”. Сөзбе-сөз “Бетер таулары”.
