Таңдаулы ән 3:1—11
3 Төсегімде жатып талай түн,Сүйіктімді ойлап сағындым+.
Қасымда жоқ, оны аңсадым+.
2 Сонда: —Тұрып қаланы аралайын,Көшелері мен алаңдарын.
Сөйтіп, сүйіктімді іздейін,— дедім.
Іздедім, бірақ таба алмадым.
3 Қаланы қорып жүрген күзетшілерге кезіктім+,—Сүйіктімді менің көрдіңіздер ме?— деп сұрадым.
4 Жанынан олардың өте бере,Сүйіктімді кездестірдім.
Оны ұстай алып, жібермедім,Анашымның үйіне алып келдім+,Шешемнің ішкі бөлмесіне кіргіздім.
5 Уа, Иерусалим қыздары, өзі оянбайынша жүрегімде,Махаббат отын тұтатпауды ант етіңдерКиіктермен, дала маралдарымен+”.
6 “Мүр мен ладанның хош иісіндей,Саудагердің жұпар иісті ұнтақтарындай аңқыған,Бұл не екен айдалада түтін бағанындай көтерілген?”+
7 “Қараңдар, ол — Сүлейменнің күймесі ғой,Айналасында оның алпыс мықты жігіт бар,Исраилдің білекті азаматтарынан іріктелген+.
8 Бәрі семсермен жасақталған,Соғысқа әбден машықталған.
Түнгі қауіп-қатерден қорғау үшін,Әрбірі семсерін беліне байлаған”.
9 “Ол — Сүлеймен патшаның салтанатты күймесі,Өзіне арнап жасатқан Ливан ағаштарынан+.
10 Бағандары оның күмістен,Тіреуіштері алтыннан.
Отырғышы күлгін түбітпен қапталған,Ал ішін Иерусалим қыздарыБар ықыласпен безендірген”.
11 “Уа, Сион қыздары, шығыңдар,Сүлеймен патшаға мұқият қараңдар.
Басына ол киіпті неке тәжін*,Анасы+ жасап берген оған отау тіккен күні,Жүрегі қуанышқа толған күні”.
Сілтемелер
^ Немесе “гүлдестені”.
