Таңдаулы ән 4:1—16
4 “Неткен сұлусың, сүйіктім!
Неткен әдемісің!
Бетперденің астындағы көздерің көгершіндікіндей.
Шаштарың Ғалақат тауларынанТөмен жосыған ешкі отарындай+.
2 Тістерің ұқсайды қой отарынаЖаңа қырқылып, суға шомылып шыққан.
Әрқайсысы егіз туып,Ешқайсысы қозысын жоғалтпаған.
3 Еріндерің ал қызыл жіптей,Сөздерің жанға жағымды.
Бетпердемен жабылған екі бетің*
Екі бөлігі іспетті анардың.
4 Мойның+ сенің Дәуіттің мұнарасындай+,Тастан жақсылап қаланған,Мың қалқан оған ілінген,Батырдың дөңгелек қалқаны бәрі де+.
5 Екі төсің ұқсайды екі төлге,Лалагүлдер арасында жайылып жүргенКиіктің егіз лағына+”.
6 “Самал жел соғып, көлеңке кетпей тұрғанда,Барайын мен мүр тауына,Көтерілейін ладан жотасына+”.
7 “Сүйіктім, тұла бойың сұлулық+,Тал бойыңда еш мін жоқ.
8 Қалыңдығым, Ливаннан кетейік, маған ер,Ливаннан+ кетейік, менімен жүр.
Түсе ғой Амана* шыңынан,Сенирдің, Хермонның ұшар басынан+,Арыстандардың апанынан, қабыландардың тауынан.
9 Жүрегімді жаулап алдың+, қарындасым, қалыңдығым,Жүрегімді баурап алды жалт етіп бір қарағаның,Жалғыз ғана асыл тасы мойныңдағы алқаңның.
10 Еркелеткенің қандай ғажап+, қарындасым, қалыңдығым!
Еркелеткенің шараптан да артық маған+,Әтіріңнің жұпар иісі артық хош иіс атаулыдан+!
11 Қалыңдығым, ерніңнен тамады кәрез балы+,Бал мен сүт тіліңнің асты+,Киіміңнен аңқиды Ливанның жұпар иісі.
12 Қарындасым, қалыңдығым, жабық бақтай,Ол жабық бақтай, мөрленіп бекітілген қайнардай.
13 Өскіндерің* анар бағындай,Онда таңдаулы жемістер, қынагүл мен нард өседі,
14 Нардпен+ қатар бәйшешек, хош иісті қамыс+, даршын+,Түрлі ладан ағаштары, мүр, алоэ+ өседі,Әртүрлі жұпар иіс+ аңқиды.
15 Сен бақтағы бұлақтайсың, суы мөлдір құдықтайсың,Ливаннан сылдырап аққан жылғадайсың+.
16 Ояншы, солтүстік желі,Соқшы, оңтүстік желі.
Есші менің бағыма,Жайылсыншы хош иісі”.
“Асылым менің өз бағына келсінші,Ең жақсы жемісінен үзіп жесінші”.
