Уағыздаушы 10:1—20
10 Өлген шыбындар иісмайды сасытып, ашытып жіберетіні сияқты, болмашы ақымақтық та дана әрі қадірлі адамның абыройын түсіреді+.
2 Дананың жүрегі оны дұрыс жолмен, ал ақымақтың жүрегі бұрыс жолмен жетелейді+.
3 Ақымаққа қай жолмен жүрмесін ақыл жетпейді+, ол өз ақымақтығын баршаға аян етеді+.
4 Билеуші саған ашуын төксе, орныңнан кетіп қалма+, себебі сабырлылық үлкен күнәнің бетін қайтарады+.
5 Жарық күн астында адамды күйіндіретін тағы бір жайтты байқадым, билік басындағылар мынадай қателік жібереді екен+:
6 ақымақтарға жоғары дәреже беріп, ал бай* адамдарды төмен дәрежеде қалдырады.
7 Қарапайым қызметшілердің атқа мініп, ал әміршілердің қызметші сияқты жаяу жүргенін көрдім+.
8 Ор қазған адам оған өзі түсер+. Тас дуалды бұзып жатқанды жылан шағар.
9 Кен қазған адам өзін жарақаттап алуы мүмкін. Ағаш жарып жатқан адамға да қауіп төнуі мүмкін*.
10 Жүзі өтпейтін балта қайралмаса, көп күш салуға тура келер. Ал даналық табысқа жеткізер.
11 Жылан арбалмай тұрып шағып алса, арбаушының ептілігінен не пайда?
12 Дананың аузынан шыққан сөзі ықыласқа бөлер+, ал ақымақтың айтқаны түбіне жетер+.
13 Оның сөзінің басы — ақымақтық+, ал соңы — сорақы есуастық.
14 Ақымақтың аузы жабылмайды+.
Адам алда не боларын білмейді. Өмірден өткен соң, не боларын оған кім айта алады+?
15 Ақымақтың еңбегі оны қажытар. Ол тіпті қалаға апаратын жолды да білмес.
16 Патшасы — жас бала+, ал әміршілері таң атқаннан той тойлайтын елге қандай қасірет!
17 Патшасы — текті кісінің баласы, ал әміршілері мас болу үшін емес+, әлдену үшін ішіп-жейтін ел қандай бақытты!
18 Адам қатты жалқауланса, үйінің төбесі майысар, ал қол қусырып ерінсе, үйінің төбесінен су ағар+.
19 Нан көңілді көтерер, шарап өмірге қуаныш сыйлар+, ал ақша мұқтаждық көрсетпес+.
20 Патшаны іштей* болса да қарғама+, байды жатын бөлмеңде де балағаттама! Себебі ұшқан құс даусыңды* іліп әкетер, айтқан сөзіңді қанатты жеткізіп барар.
Сілтемелер
^ Немесе “қабілетті”.
^ Мүмкін: “абай болу керек”.
^ Мүмкін: “төсегіңде жатып”.
^ Немесе “хабарды”.
