Шежірелер 1-жазба 14:1—17
14 Тир патшасы Хирам+ Дәуітке хабаршыларын жұмсады. Олармен бірге Дәуітке қарағай бөренелерін және үй салатын тас қалаушылар мен ағаш ұсталарын да жіберді+.
2 Дәуіт Исраилдегі патшалығын Ехобаның берік еткеніне+ және өз халқы үшін билігін жоғары асқақтатқанына көз жеткізді+.
3 Дәуіт өзіне Иерусалимнен тағы бірнеше әйел алып+, ұл-қыздары көбейді+.
4 Оның Иерусалимде дүниеге келген балалары мыналар+: Шаммуа, Шобаб, Натан+, Сүлеймен+,
5 Ебхар, Елишуа, Елпелет,
6 Ногах, Нефег, Япия,
7 Елишама, Белеяда, Елипелет.
8 Філістірлер Дәуіттің бүкіл Исраилге патша болып майланғанын+ естіп, оны іздеуге шықты+. Мұны естігенде, Дәуіт оларға қарсы аттанды.
9 Філістірлер болса Рефаимдер аңғарына келіп, сол жердің тұрғындарына шапқыншылық жасап жүрді+.
10 Сонда Дәуіт Құдайдан: “Філістірлерге қарсы аттанайын ба? Оларды аяғыма жығып бересің бе?— деп сұрап еді, Ехоба: —Аттан! Мен оларды міндетті түрде аяғыңа жығып беремін”,— деп жауап берді+.
11 Содан Дәуіт Бағал-Перасимге+ келіп, сол жерде жауды тас-талқан етті. Ол: “Су тасқынының бөгетті бұзып-жарғанындай, шынайы Құдай мен арқылы жауларымның саптарын бұзып-жарды”,— деді. Бұл жер содан бері Бағал-Перасим* деп аталып кетті.
12 Філістірлер құдайларын сол жерге қалдырып кетті. Дәуіттің бұйыруымен олар отқа жағылды+.
13 Кейінірек філістірлер қайтадан аңғарға келіп, шапқыншылық жасады+.
14 Дәуіт тағы да Құдайдан басшылық сұрады. Шынайы Құдай бұл жолы былай деді: “Олардың артынан тікелей көтерілмей, айналып өтіп, арт жағынан бар да, бұталар* жақтан тап бер+.
15 Бұталардың үстімен біреу жүріп келе жатқандай дыбыс естігенде, бірден шабуылда. Себебі бұл філістірлер қосын талқандау үшін шынайы Құдайдың сенің алдыңда келе жатқанын білдіреді+”.
16 Дәуіт бәрін де шынайы Құдай бұйырғандай істеп+, філістірлердің әскерін Гибеоннан сонау Гезерге+ дейін қырды.
17 Дәуіттің даңқы күллі елдерге тарап, Ехоба барша халықтарға оның алдында үрей туғызды+.
Сілтемелер
^ Мағынасы “бұзып-жарудың иесі”.
^ Сөзбе-сөз “бака бұталары”. “Бака” — еврей сөзінің транслитерациясы. Мағынасы белгісіз.