Шежірелер 1-жазба 26:1—32
26 Қақпа күзетшілері+ топтарға келесідей бөлінді: қорахтықтардан Асаптың ұрпағы Қоре ұлы Мешелемия+.
2 Мешелемияның ұлдары: тұңғышы — Зәкәрия, екіншісі — Едиел, үшіншісі — Забадия, төртіншісі — Ятниел,
3 бесіншісі — Елам, алтыншысы — Жоханан, жетіншісі — Елихо-Хенай.
4 Ғабит-Едомның ұлдары: тұңғышы — Шемаях, екіншісі — Ехозабад, үшіншісі — Жоуах, төртіншісі — Сакар, бесіншісі — Нетәнел,
5 алтыншысы — Әмиел, жетіншісі — Исахар, сегізіншісі — Пеулетай. Құдай Ғабит-Едомды осылай жарылқады.
6 Оның тұңғышы Шемаяхтан туған ұлдар өз әулеттерінде басшылар болды, өйткені олар мықты да қабілетті адамдар еді.
7 Шемаяхтың ұлдары: Отни, Рефаел, Ғабит, Елзабад. Оның бауырлары Елиху мен Семакия да қабілетті адамдар болатын.
8 Бұлардың бәрі Ғабит-Едомнан тараған ұрпақтар. Олардың өздері де, ұлдары мен бауырлары да қабілетті әрі қызмет етуге лайықты адамдар болатын. Ғабит-Едомның тобы 62 адамнан тұрды.
9 Мешелемияның+ ұлдары мен бауырлары, 18 адам, бәрі де қабілетті еді.
10 Мераридің ұрпағы Хосаның ұлдары мыналар: басшысы — Шимри, ол тұңғыш ұл болмаса да, әкесі оны басшы етіп тағайындады;
11 екіншісі — Хелкия, үшіншісі — Тебалия, төртіншісі — Зәкәрия. Хосаның ұлдары мен бауырларының жалпы саны — 13.
12 Осы топтардағы қақпа күзетшілерінің — басшыларының да, бауырларының да — Ехобаның үйінде өз міндеттері болды.
13 Үлкен-кіші екеніне қарамай, әр әулет жеребе тастап+, соған сай әртүрлі қақпаға қойылды.
14 Жеребе бойынша шығыс жақтағы қақпа Шелемияхқа түсті. Оның ұлы ақылды кеңесші Зәкәрия үшін жеребе тасталғанда, оған солтүстік жақтағы қақпа тиді.
15 Ғабит-Едом оңтүстік жақтағы қақпаны, ал оның ұлдары+ қоймаларды күзететін болды.
16 Шупим мен Хосаға+ батыс жақ, жоғарғы жақтағы үлкен жолдың бойындағы Шалехет қақпасының тұсы тиді. Күзетші топтар бір-біріне іргелес орналасты.
17 Шығыс жақта алты леуілік тұрды; солтүстік пен оңтүстік жақта күнделікті төрт-төрт күзетшіден тұрды; ал қоймалардың қасына бірінің жанына бірі қос-қос күзетшіден қойылды+.
18 Батыс жақтағы, яғни бастырма тұрған жақтағы, үлкен жолдың бойында төрт күзетші+, ал бастырманың алдында екі күзетші тұрды.
19 Қорах пен Мерариден тараған қақпа күзетшілерінің топтары осылар.
20 Шынайы Құдайдың үйіндегі қазыналар мен Құдайға бағышталған* заттар сақталатын қазыналарға леуіліктер арасынан Ахия жауапты болды+.
21 Ладанның ұлдарынан, яғни Ладаннан тараған гершондық әулетбасылардан, Ехиели+ және
22 Ехиелидің ұлдары Зетам мен оның бауыры Жоел таңдалды. Бұлар Ехобаның үйіндегі қазыналарға+ жауапты болды.
23 Ымрам, Ысқар, Хеброн және Үзиелден тараған әулеттерден+
24 Мұса ұлы Гершомның ұрпағы Шебуел қоймаларға жауапты болды, бұл істе ол жетекшілік етті.
25 Шебуелдің бауырларынан, яғни Елиезердің+ ұрпақтарынан Рехабия+, Ешаяху, Жохрам, Зихри, Шеломот таңдалды.
26 Шеломот пен оның бауырлары қазыналарға, яғни Дәуіт патша+, әулетбасылар+, мыңбасы-жүзбасылар мен әскербасылар Құдайға бағыштаған заттар+ сақталатын қазыналардың бәріне жауапты болды.
27 Шайқастарда қолға түскен олжаның бір бөлігі+ Ехобаның үйін күтіп ұстауға бағышталатын.
28 Сондай-ақ көреген*+ Самуил, Қиш ұлы Саул патша, Нер ұлы Әбінер+, Сарұяның+ ұлы Жоғаб+ және кез келген адам Құдайға бағыштаған заттардың бәрі Шеломит* пен оның бауырларына сеніп тапсырылды.
29 Ысқардың+ ұрпағынан шыққан Кенаниях пен оның ұлдары Құдай үйінен тыс мәселелер бойынша Исраил елі үшін басқарушы әрі төреші қызметтерін атқаратын+.
30 Хеброн+ ұрпақтарынан Хашабиях пен оның бауырлары, бас-аяғы 1700 қабілетті адам, Иорданның батысындағы аймақтарға тағайындалып, Ехобаға және патшаға қатысы бар Исраилдің сол жақтағы барлық істері солардың бақылауына берілді.
31 Хеброн ұрпақтарынан Хеброн әулеттерінің басы Жериях+ болды. Дәуіттің билік құруының қырқыншы жылы+ олардың арасынан мықты әрі іске қабілетті кісілер іздестірілді. Мұндай кісілер Ғалақаттағы Жазерден+ табылды.
32 Жерияхтың бауырларынан 2700 қабілетті әулетбасы шықты. Содан Дәуіт патша оларды рубендіктер, ғадтықтар және манаса руының жартысы тұратын аймақтардағы Құдайға және патшаға қатысы бар істердің бәрін басқаруға тағайындады.
Сілтемелер
^ Немесе “киелі етілген”.
^ Мұндағы еврей сөзі Құдай өз еркін түсінуге қабілет берген адамға нұсқайды.
^ 25, 26-тармақтарда “Шеломот”.